Tilian le vuleimin ruagah Minung 16 an thi cang i, Minung 23 an tlau

Indonesia , Sulawesi tikulh i tiilian, Leimin ruagah minung 16 an thi i minung 23 an tlau cu hlei ah minung 100 ralkai umnak a chiatter dih.

Ruah a sur peng caah North Luwu pawngkam i tilian hmun thum a lai ah subdistrict 6 chungum minung 4000 lenglo umnak a phan.

National Disaster Mitigation Agency i tuanvo neitu Raditya Jati nih, North Luwu district i an hman bikmi lampi pawl cu ceek nih a khuh dih ruangah , harnak ton pawl kan bawmkho hna lo. National search and rescue Agency report mipawl bantuk in a si, minung 16 an thi cang i minung 23 an tlau tiah a chim.

Ruah ceen le vuleiminn ruangah hmun tampi cet a khat thluh i local vanlong kal nak lam tiangin, ti le ceet le hnawm nih a khuh dih.

Indonesia ram cu Fuur caan ah tilian le leimin tampi a um nak le thingkung an hau tuk ruangah kumkhat hnu kumkhat a zual chin. Tukum January thla zongah ruah ceen le leimin nak ton ruangah minung 66 an rak thi cang.

 96 total views,  1 views today

This function has been disabled for Chin 11 News.