Tiktok Cawknak Kong He Pehtlai In President Trump Le Microsoft CEO Ton Biaruah Nak An Ngei

Tulio vawlei cung ah a lar taktak mi TikTok company cu President Trump nih US ramchung ah hmanlo ding in nawl a chuah hnuin Microsoft Company nih cawk an timh mi hna a si caah cu kong he pehtlai in Microsoft Company ah CEO a si mi Satya Nadella nih President Trump he ton biaruah nak kan ngei cang tiah a chim.

TikTok cu Microsoft nih an cawk lai tiah thawngpang a len hnuin anmah Blog post ah a voikhat nak bik thawngthanh nak le sining fianter nak zong an rak tuah cawlh ve. TikTok company hi China ah a um mi le China nih an dirh mi a si caah tulio US le China karlak pehtlaih nak a chiat ngai lio ah hin cun US humhim nak caah tihnung le harnak a pe kho mi a si tiah President Trump nih a ti caah TikTok app hi US ramchung ah hmang bak lo ding in ralrin nak bia a chim hi a si.

Cu kong he pehtlai in Microsoft CEO a si mi Satya Nadella nih a chim mi cu TikTok kong he pehtlai in President Trump nih thinphan nak le ralrin nak bia a chim mi hi kannih Microsoft zong nih fak piin kan i ralrin le a nawl kan zulh a herh mi a si.

Cun TikTok kan cawk tik zong ah US ramchung humhim nak le chawlehthal nak ah dawnkhantu siloin US ramchung chawlehnak a thancho tertu le santlai mi a si khawh nak hnga kan i zuam a herh mi zong a si tiah Satya Nadella nih cun a chim.

TikTok Company cawknak kong he pehtlai in China hramhbunh a siĀ  mi ByteDance company he September 15 ah a hnubik biaceih nak le ton biaruah nak kan ngei lai tiah Microsoft company nih cun an chim.

VOA

 178 total views,  1 views today

This function has been disabled for Chin 11 News.