Tikir Khua Mi Tlangval Lal Hlun Cu Malaysia Ah Namte In An Sawh, Thawngfiang An Rak Langhter Mi A Si

CBN Breaking News: Malaysia Ah Laipa Namte In Aa Sawh

27 Sep 2020

Thawngpang Tling : Nihin zarhpini zaanlei sang ahkhan Malaysia, Maluri sang ah a um mi, Tikir khua mi Tlangval Lal Hlun (kum 34 hrawng) cu an umnak sang Maluri Laimi thil herh zalh tawnnak Bangla dawr hnulei ah namte in ai sawh tiah an khuami pakhat nih CBN sin ah a chim.

“Tlangval Lal Hlun hi Malaysia ah voihnih nak ara mi a si i, kum 15 hrawng Malaysia ah a um cangmi a si. Zuding sa ei mi a si ruangah thikai (tuaitu) a ngeimi a si i thluaktlau caan a ngei tawn. a luancia thla/zarh hrawng ahkhan amah le mah thah i tim in incung dot in zuan aitim tawn i an rak tlaih manh peng.Motor zalampi hna ah a tli i mah le mah thah i tim in a lung a buai tawn i hawikomh le khuami nih an rak tlaih peng” tiah Khuami nih CBN Media sin ah an chim.

“Hi hlan ah hin a mah le amah namte in i sawh arak i tim i an rak tlaih manh than. An tlaih nak ah a kut nam nih ai zei. Khuami nih zeiti awk an theih lo caah Zudingmi zohkhenhnak ICH ah an va kalpi. A kut ai zeinak hma a um ruangah ICH nih Clinic ah i piah hmasa i cu hnu ah ra than dingin an chimh” tiah a chimchap.

“Tlangval Lal Hlun hi amah le amah i thah ai timh peng ruangah khuami nih a zohkhenh awk an hngal tilo i innkhan ah erhkhanh i leng chuak ko lo ding in tawh hrenh kanh dingin khuakhan nak an ngei. Tuzanlei ah khan Maluri Laimi zingzan duhzalhnak Bangla Dawr ah a lut. Cu lio ah cun Counter ah Khua Chairman le midang pahnih an dir. Dawr hnung lei ah a chuak i namte in a ca orhlei hnakpang ah ai sawh” tiah CBN media sin ah an chim.

“Ai sawh ka ah a hmutu hna nih namte an phawi ngam colh lo. Palik lunghrinnak a um khawh ruangah Investigation hna an duh sual lai tiah namte cu phawi lo in Palik an auh colh. An mah rammi le Tuluk pawl hna nih an vun zuan hnawh i cu ti cun Ambulance in sizung ah tlikpi colh a si. A tu hi Operation an tuah lio a si i amah hmuh khawh a silo ruangah khua upa hna nih cun an lawi tak. Doctor hna nih Khua upa sin i an chim ningah a nunnak caah thin phan awk a um lo, damh khawh than ding a siko” tiah khua upa hna a chim.

Tlangval Lal Hlun hi a chung le Johor Baru (Malaysia) ah riantuan in an um i CBN media nih khua upa sin ah thawng kan hlat lio tiangah a chung le an pehtlai kho rih lo.

CBN News, 27 Sep 2020

 205 total views,  3 views today

This function has been disabled for Chin 11 News.