Tihnung tuk mi ti lian ruangah minung 140 an thi i, inn 28,000 a hrawk cang

China ram ti lian ruangah inn lo tampi a hrawk cang i, minung 140 an thi i, 38 million nih harsat nak an tong. hmun dangdang zong ti a lian ruangah inn 28,000 a hrawk thlu.

Tutan ti lian cu kum 30 chungah mah tluk i a lian hi a um rih lo tiah Aljazeera ah an tar. Covid-19 nih minung tampi a thah canghna i, sipuazi zong tampi a hrawk, cu lawng si loin ti lian nih a deng than i China ram cu buainak in a khat.

 

Ramdang pawl nih le an huat tuk lio si chinchap i an buai a zual. Covid -19 chuahnak Wuhan khawpi le a pawngkam vialte cu fak khun in ti cu a lian.

China ramchung i tiva 33 cu an lian tuk i an pawngkam khua cu tampi a hrawk hna. cu lawng si loin tiva 433 zawng an lian ngai cang tiah Chinese Water resource Ministry nih a chim.

A hlei in ti a lian nak hmun cu Jiangxi, Hubei, hunan, Anhui, Zhejiang, jiangsu le Chongqing hi an si.president Xi Jingping nih July 12 ah harnak tuar mi bawmh ding in thawng a thanh i, tih hlah uh a ti.

1998 kum ah ti lian nih China ram cu a rak deng cang. Yangtzet pawng hrawng ah ti a lian ciammam i minung 4,000 an rak thi. tutan cu hmun dangdang ah ti a lian i, a zual chin lengmang lai ti an zumh caah nawlnei tu pawl nih ralrin nak thawng an thanh.

 123 total views,  1 views today

This function has been disabled for Chin 11 News.