Kalay-Gangaw le Monywa le Palee lampi ah nihin thok in motor ngan siseh a hme mi siseh zei bantuk a si zongah vahchuah lodingin theih ternak an tuah than hi a si.
Min Aung Hlaing SAC ralrang nih midang motor hlang in an um kal tawn caah cu pawl cu a ho an si hmanh ah a tulio cu zeitik caan poh ah kahdohnak a chuak kho mi dirhmun kan phan caah motor vak chuah lo dingin thawng an thanh mi nan ngaih lo i nan vak thiamthiam a si ahcun nan cung i thil a tlun mi kongah mipi ralkap PDF nih tuan vo kan la lai lo tiah thawng an thanh.
Relchap: CDF Thantlang Nih CDM A lutmi SAC ralkap le palek cu sing 60 kan in pek hna lai tiah cathanh an chuah Sept 6, tuni ah CDF Thantlang nih SAC ralkap le palek hna sinah sawmnak cathanh an chuah. Cu an cathanh ah cun
“Nawlngeihnak a latu ralhrangbu kuttang ah a um i mipi hna hrem le thahnak ah hmanmi dirhmun in mipi lei ah a dir i bochan awk a tlakmi dirhmun ah i tthial a duhmi hna cu CDF Thantlang nih lunglawm tein kan in don peng hna.
Cun ralhrangbu doh dingah hriamnam tling he kan sinah tel a duhmi le CDM ah luh a duhmi SAC ralkap le palek hna cu tangka sing 60 kan in pek hna lai.
Cu lawng si loin hriamnam he rat a remcang lo zongah nan taklawng in ra ko u, a si khawh chungin nan himnak kongah tuanvo kan in lak hna lai. A caan a tlai hlanah mipi lei ah dir in ralhrang dohnak ah rak i tel cio u tiah kan in sawm hna” tiah an tial.TCP
Leave a Reply