Tihnung Ngai A Si Mi Thawngpang, Tiva Kam Ah Mithi Ruak Pakhat An Char

Mandalay myoh, Aung May Tha Sam myohne 12X66 Road le 67 Road karlak ah a um mi Kyun tiva kam ah nizan ahkhan mithi ruak pakhat char a si tiah thawngzamh nih an langhter.

Hi mithi ruak an char mi hi Mandalay myoh ah a um mi hna mi bawmhchan tu phu hna nih mithi ruak hi felfai tein an zoh dih i a pumcung ah zeibantuk hliamhma hmanh kan hmu lo tiah an fehter hnu ah Mandalay myoh a hmat 2 palek sakhan ah thawngthanh nak an tuah hna.

Cun ruak an char mi hi kum 50 hrawng upa a si i T-shirt arang mi ai hruk, asinain a min le a umnak hmun cu theih a si rih lo caah palek pawl nih an hlathlai cuahmah lio zong a si tiah thawngthanh nak ah an langhter ning a si.

Hi mithi ruak an char mi kong ah mi thah nak in a nunnak aliam mi a si maw, amah tein tiva ah a pam mi maw a si timi cu ahmat 2 palek sakhan nih an hlathlai lai, cun tuchun August 15 ah operation zong an tuah lai i zeitin dah a thih ning a si ti cu fiang deuh in langhter asi lai tiah an langhter.

Hi bantuk in a ho ti hngalh lo mi ruak char hi Mandalay le Yangon hrawng ah a um pah lengmang caah a ho co paoh nih ralrin ding ah thawngthanh nak le ruahnak cheuhnak zong palek lei nih cun an chim.

Ref: D Nae Khit Media

 104 total views,  1 views today

This function has been disabled for Chin 11 News.