Tidim Pengkulh Kaptel Khua Mi Hna Cu Lo Riantuan Dingah An I Thawh Cang Hna

Myanmar ram chung ah Covid-19 posotive case an hmuh hmasat bik mi pa a um nak khua Tindim pengkhul Kaptel khua cu nizan May 15 khan lockdown an donghter cang hna tiah theih asi. Kaptel khuami hna zong lengchuah le riantuan nak nawl pek an si cang caah khuami hna zong tuzing khan cun Lo riantuan ding ah an chuak cang hna tiah Mizzima news nih cun a langhter.

Kaptel khua hi inn 694 a um mi a si I Lo riantuan, facang le fongvui Lo tiah in a pawl cawmnak a kawl mi an si hna. Cu ruang ah May thla chung ah hin Lo riantuan kho lo in lockdown rak pehzulh rih hna sehlaw cu Kaptel khua mi hna nih hmai kum lei an pawcawm nak ding ah fak ngai in harsat nak a zong ding an si.

An khua mi pakhat Covid-19 a si tiah an fehter ni March 23 thok in May 14 tiang thla hnih chung bak fak ngai in Kaptel khua cu lockdown tuah a rak si. Asinain nizan ah lockdown an dihter ko cang nain lam hla khual tawn, khua dang ah khual tlawng tu hi cu an khap dih ko hna.

Credit: Mizzima Burmese; The Tahan Post

 206 total views,  2 views today

This function has been disabled for Chin 11 News.