Tidim Lampi Ah Uico Ralhrang Minung 50A Ra Mi Cu Chinram Hriamtlai Phu 6 I Bawm In An Phomh Hna, Ralhrang Tam Taktak An Thi Cang

Tedim le Kalay lampi ah mipi vengtu ralkap phu 6 fonh nih ralhrang ceilak an thah hna
——-
January 21
Suimilam Media
Chinram kulh Tedim peng ah mipi ventu ralkap phu 6 fonh nih ralhrang tam nawn an thah hna tiah PDF-Zoland chimnak nawl ngeitu nih a chim.

Tedim le Kalay lampi or ah a um mi Hiang Zing khua ah hmun a khuar mi ralhrang 50 hrawng cu CDM Siyin, PDF-Zoland, PDF-Kalay, Zogam Army, CDF-KKG2 le CNA fonh nih tuziing sml 1:00 am hrawng ah an kah hna, an i kah chung hi minute 30 sau hrawng a si i ralhrang minung 15 an thi. Ralkap fonh lei in minung pakhat hliam a tuar tiah a langhter.

Hiang Zing khua ah a um ralhrang hna hi January 12 lio ah Kalay in Chinram mipi ralkap pawl doh awk ah thlah mi an si hna. Minung 100 hrawng thlah mi an rak si. Asinain hmai kal kho ti loin minung 50 hrawng lawng an um hi a si.

Hi hmun ahhin January 13 thok in i kahdohnak a um lengmang cang i, ralhrang nih raltuknak vanlawng zong an rak hman.
Photo-PDF-Zoland
Ref.Khit Thit Media
#suimilammedia
#CNA
#pdfzoland
#pdfkalay
#cdfkkg

Relchap>>>>>>>>Mandalay ramthen / Pin Oo Lwin myone sungah rit theih sii vai zuar suak theutu mi 2 pawl hnenin Mandalay-PDF pawlin an kai ngah ih WY ti ih ca tar mi thinlung hruai peng thei tu sii vai mum 2,500 pawl cu meisa thawn urkang in an siat suah thluh thu theih asi.

An humhlualh ram sungah rit theih sii vai zuarsuak tu / diklo zetih hnatuan theu tu pawl khal kai in an phu tawk hremnak an pek ding thu Mandalay-PDF cun thuthannak an neih thu theih asi.

Be the first to comment

Leave a Reply

Your email address will not be published.


*