Chinram kulh Tidim khuapi ah um mi Myanmar Economic Bank hngaktu ralhrang palek pathum thilak an kah hna tiah theih a si.
Chin Pyne Tidim khuapi Myanmar economic Bank hngak runvengtu ralhrang palik pathum thilak in tuzing ah an kah hna tiah khuami sin in theih a si.
Tuzing August 25 2021 suimilam 11 am tluk ah a tu bantuk in thilak an kah hna.A thimi hna hi polik pathum an si. A hmun ah an thi colh. Polik a kaptu hna hi motorcycle in an ra tiah khuami pakhat nih khitthitmedia ah a chim.
Culawng si lo in tuzingka ah khan Tidim luhnak khualeng zongah meithal kah thawng tam nawn te theih a si tiah khuami nih an chim fawn.Khitthit media
Relchap: Mizoram Palek Le Assam Palek I Kahnak Kong NHRC Nih Chimfian Ding An Ti National Human Rights Commission (NHRC) nih July 26 ah Assam palek nih Mizoram he ramri pawng IR palek hna umnak hmun an cuh hna ruangah i kahnak a chuah mi kongah nuhrin covo an buar tiah a ruah ruangah Mizoram le Assam cozah hna cu chimfianhnak tuah dingin an theihter hna.
Thei cia bantukin July 26 ah Assam palek 200 hrawng nih Vairengte khuataw i Mizoram IR battalion hna umnak hmun an chuh hna hnuah meithal zong an puah.Mah ruangah Mizoram palek nih an kah ve hna i, Assam palek 6 an thi.
Assam mi pakhat nih mah i kahnak ah hin human rights buarnak a um tiin NHRC ah a chim ruangah NHRC nih August 22 ah khan Union home secretary pin ah Mizoram le Assam chief minister hna cu NHRC sin ah fianternak tuah dingin ca a kuat hna.
NHRC nih Mizoram le Assam palek i kahnak ruangah cozah riantuan a thi mi le hma a pu mi an um mi cu a poi ngai mi a si.Hi thil a cang mi ah minung covo buarnak a um caah mah bantuk thil a cang mi hi kan zoh sawhsawh kho lo, ka serious ngai tiah an ti tiah an langhter.
Ref; vanglaini
Leave a Reply