Tidim Ah Ralhrang Nih Thil An Zuar I A Caw Tu Tampi An Um

Nihin Sep 14 ah Tedim Kamhau Hall ah ralhrang nih thil an zuarmi cawtu Tedim khuami hna hmaanthlak si tiah ralhrang nih an hun taar.

A hmasa bikah Halkha ah an rak zuar,cawtu huaha an ngeih lo caah, ralhrang nih an thanh duh lo.
Falam le Tedim ah an zuar,a cawtu an hlunghlai ngainak kong ralhrang nih uar ngai in an thanh.Crd.. Salai William Hlawnceu

Relchap>>>>>CDF-Mara nih Lailenpi ah Ralhrang nih Sianginn Awnmi ah Sayaci Atuanmi NEITLUA an Hrem

Lailenpi ah ralhrang nih sianginn an awn. Mah sianginn ah cun sayaci bantuk in a ummi Neitlau cu CDF-Mara nih fak nawn tein an hrem. An hrem hlanah ralhrang kuttang ah riantuan lo dingin tha tein an chimh lengmang cang ko nain, a ngailo. Saya Neitlau cu CDF Mara nih an chim len ko nain zeihmanh ah arel hna lo ruangah an tlaih. Bia an hal nain tha thi in a chim duh lo ruangah fak nawn tein an hrem.

Ahnu ah ralhrang kuttang ah riantuan ti lo dingin biakamnak a tuah caah Neitlau hi tha tein an thlah than.Mah kongah MATC/MDF nih CDF Mara cawlcangh ning cu adik lomi asi tiah an ti ve. MDF cu ralhrang he kahdohnak kan tuah lai lo a timi an si I, Mara ramchung ah siang cachimtu rian zong tuan u, contactor rian zong tuan u tiah mipi thazaang a petu an si.

Relchap>>>>>Monywa Ah Mi Thilri Chuttu, Mi Thattu, Mi A Tlaihhremtu, Misual Damiah Pa Cu PDF Nih An Tlaih

Sagaing ramṭhen, Monywa peng ah sualnak phunkip a tuahtu misual phu chungtel Ngein Chan Oo cu PDF nih an tlaih, tiah theih a si. Min Aung Hlaing nih nawlngeihnak lak hnu in thongtla tampi a chuahmi hna chung ah tlaihhrem, thah nawn, firnak in sual a tuahmi hna zong tampi an i tel i, Monywa peng ah atu bantuk in misual phu chungtel pakhat zong PDF nih an tlaih.

Minung 34 thahnak ah aa telmi le tlaihhremnak voi 24 chungah aa telmi misual phu chungtel Ngein Chan Oo cu, Chindwin Attack Force in Monywa The Boys nih a luancia September 1 ah an rak tlaih i, bia an hal lioah a thinphannak in a thi.

Misualpa Ngein Chan Oo nih, nawlngeihnak lak hnu in minung 13 a tlaihhrem hna i a thah hna, mi inn 11 an baoh i thil a fir. Cu pinah kum tling lo kum 14 nu a tlaihhrem i a thahnak kong cu Chindwin Attack Force nih an langhter.

Cycle an firmi 65, tangka kyats sing 650 leng le sui hi voi 23 a firnak kong zong a chim. Pistol zun 1, nam a tawimi 7, a saumi 3 zong Monywa PDF nih an tlaih.

Mi thilri a chuttu, mi a tlaihhremtu, mi thattu le misual damiah an si nan hngalh hna ahcun rak kan chim u, kan fimhlawm dih hna lai, tiah Monywa pengkomh PDF nih thawngthanhnak an tuah.