Tidim Ah Palek Nih Motor Cycle A Cit Mi An Kah That, 2 Hliam An Tuar

Chinram kulh Tidim khuapi ah palek nih motor cycle a cit  mi an kah tiah theih a si. Mah an kah hi zahan sept ni 11 Zaan sml 9:45 hrawngah a si mah an kah mi hna hi Gawngmual khuami an si i minung pakhat a thi i, 2 nih hliam an tuar tiah an chim.

khuami pakhat nih motocycle a cit mi hi Sagawlam sang lei in myo-mah sang palek sakhaan hmailei bochoh lam a rak ra i palek pawl nih i din tiah an auh i, a lautk caah a motor cycle cu a chiahtak i a zaam, a zaam lio ah an kah i a hmun ah a thi colh a dang pahnih cu an thi lo hliam an tuar tiah theih a si.

Tutan ah an kah mi hna hi kumtling lomi an si i pakhat hi kum 15 hrawng a si, pakhat hi nu a si tiah an chim. Thilak in an kah mi hi palek nih siizungah chek ding in a ruak an chiah tiah theih a si. zaan zongah meithal thawng hi 15-20 hrawng a puak tiah an theih rih. hi thawngpang kan theih hnu in caan rau lo te ah meithal a puah pah lengmang tiah khuami pkhat nih a chim.Zalen