Tial Ku Cu Ceupi Nih A Then Hnuah A Ngaihchiat Le Lungfah A Celh Lo Caah Ceupi Sinah Hi Ti Hin Cakuat A Tial

Zei a si hmanh ah rak ka ngaithiam hram ko ti hi chimh hmasat kan duh ko ka facebook ka zoh caan paoh ah na online lio a si ah hin cun chawnh loin  ka um kho hrimhrim caah messages kan kuat nak hi a si. Messages kan kuat mi hi na rel huam le rel huamlo cu ka thei lo nain na thinhang hlah ti hi chimh than kan duh ko.

Phone kan call mi hi na tleih duh le thleih duh lo zong ka thei lo nain nangmah he biaruah loin ka umkhawh lo caah le phone kan call mi hi a si I na caah hnahnok le sivang ka si ah cun rak ka ngaithiam hram ko.

Hngakchia zei hngal lo bantuk in na sinah ka rak um lengmang mi ruang ah na lung kan donghter tuk hi a si theu lai tiah ka ruah caah ka sining vialte cu nangmah caah ka sian tuk caah pei a rak si ko cu. A caancaan ah cun hramhram in na kut cung ah a um mi thil zong kan chuh caan a um ko asinain zeitik hmanh ah na lung kan donghter lai ti hi ka rak ruat kho hrimhrim lo.

Na riantuan mi kong a si le silo zong ruat loin midang he bia nan I ruah caah paoh ah lunghrinh le zumh loin kan rak um lengmang mi cu lungdang na her sual lai ti ka phan tuk caah pei a si cu. Na duhnak kan zulh thiamlo mi le na duhning in kan umter khawh lo mi ruang ah ngaihthiam kan hal than.

Asinain a tu ah cun zeizong vialte ka ruahthiam dih ve cang na lawmh nak le na hna ngamnak a si ah cun ka rak sining vialte kha kai tleng dih cikcek ve cang lai I na caah a tha bik mi a si ah cun nangmah he kan I hlat bik nak hmun ah ka kal cang lai. Na nung chung vialte hlawhtlin nak nih in zuldawi ko seh.

 219 total views,  1 views today

This function has been disabled for Chin 11 News.