Thongtla 5315 Kan Chuah Dih Cang Hna Lai

February ni 1 in nihin tiangah Min Aung Hlaing nih ramchung minung a tlaih mi hna hi minung 5315 hrawng an si i thong chungah a thlak hna i saupi thonginn ah khua a sa cang mi hi an tlawm ti lo. nihin ah SAC ralhrang nih thawng an thanh mi cu kan tlaih mi hna 5315 hi thonginn in kan chuah hna lai tiah tiah thawngpang a leng. Zeibantuk minung pawl dah an thlah hna lai hngalh a si rih lo.Lairawn News

Relchap: Investors 70000 leng nih biakamnak tuahmi ni leh caan nakin a tlai tuk cang ruangah Tuluk ram chung dihlak i China Evergrand Group office hna ah duhlonak langhternak cu a zual lei a panh tlhuahmah cang. Manhettan (မန်ဟက်တန်) i hmun li then hmun thum cu a khum dih khomi inn sakmi cu rian an lim hlan ah riantuannak cu aa din thup dih caah inn cawtu minung million-1 nak tam nih harsatnak an tong.

Atu i a tumchuk ngaimi inn/hmun zuar/cawk nak lei market hi a zuarnak man a tum tuk cang caah mi dang inn satu company hna nih harsatnak an tong cang i, Tuluk sipuazi i hmun li then hmun khat bawmhnak a petu riantuannak phu dihlak in harsatnak an tong.Covid zawtnak harsatnak tong in inn a cawtu hna nih an dihmi leh hmannak phaisa hi an thum cang i, president ရှီကျင့်ဖျင် ramkhel ningin a biapi taktakmi thlennak caan chungah hin mipi nih an duhlo ning hi a zual ngai cang.

Inn/hmun lei service company hme deuhmi nih company ngan pawl leh bank hna sinin phaisa cawinak market lei ah namnehnak faktuk in an tong i, Tuluk stock leh phaisa cawinak minsen thutnak dollar 527 billion man a cawtu vawlei pumpi huap in investment tuahtu pawl zong nih June thla thawkin thla 5 chung an zuar cang. Tuluk cozah nih Evergrande i tumchuknak leh sunghzatlaknak hi pehzulh in a control khawh lo a si ahcun zeitindah thil a cang te hnga timi cu hngalh fian khawh a si lo nain communist party nih fahnak hi zeitluk tiangin kan tuar khawh lai timi cu an tuaktan cia i, a chia bikmi dirhmun leiah kan phan tiah Tuluk ngiathlaitu hna nih an chim.

A biapi ngaimi thanchonak lei riantuantu a simi Evergrande ဒေဝါလီခံ zulh ding a si ahcun Inn/hmun zuar/cawk service lei rian dihlak caah buaibainak hi a zual chin chin kho tiah ပေကျင်း ummi bank Chanson & Co. director ရှင်မင်း nih a chim tiin Moe Win Oo nih a tial.Credit:CMSN

Be the first to comment

Leave a Reply

Your email address will not be published.


*