Chinram ral an tuk bik nak le a buainak bik hmun cu thlanglei laitlang Mindat le Matupi Le Kanpalet deuh an si ko cang. Thlanglei laitlang deuh ah kahnak a chuah caah mipi eidin nei lo tiangin an um hna. Zaangfak ngaingai an si ko cang. Zahan zongah kahnak a chuak than i Ralhrang pawl nih Biakinn le Inn le lo tiangin an kah piak hna i inn chung thilri tiangin an rawk.
Thlanglei laitlang lawng i kahnak a peh peng a si ahcun a poi ngai kho mi a si lai tiah an chim .a ruang cu, Mindat hrawng le Matupi hrawng lawng te ah kahnak hi a chuah i, ralkap thazaang an chap lengmang caah mipi harnak tampi an pek lengmang cang hna. Ralkap thazaang hi Mindat hrawng le Matupi le Kanpalet lawngte ralkap thazaang an chap tiah theih a si.
Thlanglei laitlang Kanpalet khuachung ah CDF le Ralhrang karlak fakpi in tuzaan August 6 zaan ah kahnak a chuak tiah thawngtheih a si.Mah kahnak ah hin ralhrang nih Kanpalet khua cu Hriamngan in an kah thluahmah tiah theih a si. Thlanglei laitlang ko ah kahnak a fak i thinphang ngaingai a si cang ko.
Hi kahnak hi tuzaan Suimilam 9:00pm hrawngah a thawk tiah theih a si, voidang bantuk kahnak bantuk a si lo khuapi zong hriamngan in an van kah thluahmah tiah theih a si. Mah kahnak hi kawlram Magwa peng hmanh in an hriam hman mi thawng hi an theih tiah an chim. Mipi caah tihnung ngai a si ko tiah khuami nih an chim.
A tutiang ahcun CDF lei thi le hliam a tuar mi an um rih lo tiah theih a si , thlacamnak in bawm hram hna usih. A hnu thawngpang dawi khawh colh kan van i zuam lai.
Leave a Reply