Thlacam Kan Herh Taktak Cang: Chinram Cu Ralhrang Motor 80 Nih An Kan Fuh Than, Nizaan Le Ah Motor 30 An Rak Kai Cang Hoi

Thlacam Kan Herh Taktak Cang: Chinram Cu Ralhrang Motor 80 Nih An Kan Fuh Than, Nizaan Le Ah Motor 30 An Rak Kai Cang Hoi

Breaking_News🚨
SAC Leilawng 80 Chin Ram Lei Ah An Rak Kai Ṭhan
=========================================

SAC ralhrang hna i riahcaw le hriamnam hna a phormi leilawng 80nak tam cu Chin ram lei ah an rak kai tiah Yaw A Lyin Htan(ယောအလင်းတန်း) nih a langhter.
Atu a rak kaimi hna hi Vaute 10 zing tuante ah Magway ramṭhen Pakokku(ပခုက္ကူမြို့) khua in an rak chuah hi a si i minung le hriamnam hna a phorh hna tiah theih a si.

“Pakokku battalion(101) in ralhrang leilawng 25 cu Pauk(ပေါက်မြို့)khua lonh in nitlak lei ah an kal. Cun a dang leilawng 57 cu Kamma(ကံမမြို့) khua lonh in Chin ram lei ah an kal” tiah Yaw A Lyin Htan nih a langhter.
Ralhrang leilawng 80 nak tam cu zeitik ah Chin ram ah an luh te lai ti hngalh a si lo. Atu Vaute 10 zaan tiang kan zoh peng ko hna tiah a ṭial chih.

Relchap>>>>>>Monywa Peng Ah SAC Ralkap Leilawng Bomb Puahhnawh In Doh An Ton Caah 4 An Thi

Sagaing ramṭhen, Monywa peng ah SAC ralkap leilawng run cu bomb puahhnawh in doh an ton caah SAC ralkap 4 an thi tiah Monywa peng Myanmar’s Royal Dragon Army(MRDA) in ṭuanvo ngeitu pakhat nih a chim.

March ni 9, chunhnu suimilam 12:30PM hrawng ah Monywa in Mandalay lei ah a chuakmi SAC ralkap leilawng run cu Monywa peng Maynay khua le Ma-au khua kar ah MRDA battalion 6, ṭatkhuai 2 nih bomb puahhnawh in an doh hna caah SAC ralkap 4 an thi tiah theih a si.

“SAC ralkap leilawng run chung ah a paruknak leilawng cu harsa ngaiin bomb kan puahhnawh, SAC ralkap a tlawmbik 4 an thi, hliamhma tuar zong an um” tiah Monywa, Myanmar’s Royal Dragon Army(MRDA) in ṭuanvo ngeitu pakhat nih a chim.
Khit Thit Media