Third World Country Americaram Phan Khomi Pawl Nih Vom An Uar.

Voikhat FB ka van kau ah, an icommentmi ka hmuh. “Third World Country timi US hna a phanmi nih hin kan president cu soi ve hlah uh,” ti si. Cun, pakhat nih a von (keimah) ka hneuh nawn. Adang pakhat lebang a zual.

Aizelaw, “Third World Country” an va phan le pei an pharesidanh an soi ngam lo hi, ka ti. “Third World Country” ah cun ram uktu tam deuh cu soi phung si reeng lo cu awh. Thong tlaknak si cuh! “Third World Country” timi biafang hi hman ti lo ding an rak tinak sau ngai cang. Naite liamcia Kawlram bantuk, kan rak ṭhancho lo pinah, ruruhranghrang pawl uknak ram deuh paoh “Vawlei Pathumnak Ram” ti in neek deuhnak phun khin an rak hman.

USA cu vawlei pakhatnak ram a si ahcun, Kawlram cu “Vawlei Pathumnak Ram” a rak si hnga. Cu biafang cu mifim ding timi scholar pawl hrim nihcun nan hmang ti lai lo ti in fakpi in an rak au. Nihin ni i “Third World Country” ti biafang na hman rih ahcun, “Racism” ah an in ruah khawh. Adang “Third Country” timi biafang a um. Nain, hi biafang hi cu scholar pawl hman tukmi cu si leem lo. Mipi zaran hman ngaimi biafang zong si lo.

Ralzaam, ramzaam timi refugee pawl caah hmanmi biafang a si. Mipa/minu pakhat amah chuahkehnak ram chungah a nuhrin covo an buarpiak ruangah ramdang ah a zaam. An ram in a hmasa bik a va phanhnak ram siloah a vaa idor chungnak ram khi “Second Country” tiah ichingchiah olnak ah an hman. Ralzaam caah cun, kan chuahkehnak ram cu kan “First Country” a si hnga. Kan zaam i ram pakhat kan va phan. Cu kan phanhnak ram cu “Second Country” ti a si.

Laipa Kawlram in Malaysia ah a kal. Malaysia ah refugee a sok. Ai dor chungnak Malaysia cu “Second Country” a si. Second Country nih dotla minung i an cohlan khawh hna lo caah ram pical pawl nih an char hna. US nih ralzaam a char hna caah, Malaysia Laipa cu US a phan. A rak chuahkehnak in a ram thumnak a va phanh a si. Cucaah, US cu a caah a pathumnak a phanhnak ram tinak “Third Country” ti in a olnak in an ichingchiah.

US lawng cu “Third Country” si lo. Norway, Australia, Japan, Korea, Canada tbk pawl zong ralzaam pawl nih ram thumnak an va phanhnak ram an si. “Third Country” timi biafang cu refugee he ai pehtlaimi biafang si caah mi zaran nih an hmang tuk lo. A theih zong an thei tuk lo.

Laimi belte Refugee kan tam caah kan theih ngai. “Third World Country” a si lo. “Third Country” ti a si. Na va phan cang i na phanhnak ram kha na caah Third Country a rak si. Nain, refugee na sinak dirhmun kong lawngah cucu na chim lai. “Third World Country” na ti ahcun, na rak chuahkehnak Kawlram an rak pekning a si. Cucu nihin ni ah cun hman phung si ti lo.

Mah na fian hnu khan… ka von peh duhmi cu…😜😜

“Third World” le “Third Country” zeidah aa dan zong theih le hngalh ve lo ahcun an mawh ve lo. Vom uartu tete ka zoh tik hna ah, cucu hmanh a thei huaha lo an tam. Ca kan rel cio, English kan thiam cio ti phun in an um nain, “technical terms” a thei huaha lo an tam.

Mah ruangah si pah. A hruhnak zong khi capo an ruah lai cu. Vunrang lak hmanh ah pei, vawlei pum le per hmanh a thei huaha lo an tam tuk tiah. Vom nih “vawlei cu a per” ti sehlaw, “vawlei a per” an ti dih lai. “Covid-19 zawtnak damhnak caah raifanh-sii ṭha bik” a von ti ahcun, “Third World Country” i a taang rihmi pawl lak i an mifim cem nih Laiholh in a von leh lai i, “ilunghmuih tak in raifanh-sii” cu an din ko lai tiah US Lai mino hruaitu thiamsang pakhat nih a rak ka chimh.

“Vom nih a ṭha a ti ko ahcun, ilungsi ngai in an din ko lai cu,” a ti.

Ngaih hna chia pah!

Catialtu: Salai C Alexander

 188 total views,  1 views today

This function has been disabled for Chin 11 News.