Thinlung Lei Buainak Ruangah Britney Spear Cu A Pa Nih A Zoh Khenh Nain A Pa Kuttang In Chuahnak Lam A Lawyer Pa Nih A Chim Piak

Hlasakthiam Britney Spear cu a thinlung a mawlhmeh deuh nak ruangah 2008 lio ah khan thinlung buai a tong mi hna thlopbul nak siizung ah an zoh khenh i, cu chungah a hringtu a pa James Spear nih cun a mah i zohkhenh dingin a hal hna i cu ti cun a pa nih cun a zoh khenh.

 

A tuhi a pa kuttang i a um nak kum 12 a tling cang i,Britney Spear cu a mah tein zalen taktak i vahvaih le chawva kawl a duh a duh cang tiah a (lawyer) pa nih cun biaceih zungah a chim piak.

August 19, Los Angeles khua i biaceih zung i an chuahpi hlan ah a lawyer pa nih cun, Birtney Spear nih a pa James Spear kutchung i chuah a duh nak kong cu a chim piak. A pa kuttang i um peng hi a duh ti lo nak kong cu a chim chih.

Kum 39 a si mi Britney Spear cu thinlung a buai nak ruangah Las Vegas i tuah dingmi concert a neih ding mi cu an let piak than i siizung ah an zoh khenh tiah theih a si. 2018 ah October thal khan concert hrimhrim a tuah a tuah kho lo.

A mah tanh tu pawl nih cun a pa kuttang i thongtla bantuk i a um cu an lung a tling lo ngai, Free Britney ti tiang in campaign tiangin an tuah piak tiah theih a si.

 147 total views,  1 views today

This function has been disabled for Chin 11 News.