Thinlung A Fak Ko Ee: Russia Nih Ukrain Cu Hriamnam Ttihnung Taktak In A Kah Than Ee Mipi An Tuar Taktak

Thinlung A Fak Ko Ee: Russia Nih Ukrain Cu Hriamnam Ttihnung Taktak In A Kah Than Ee Mipi An Tuar Taktak

Russia Nih Ukraine Ram Hmun Kip Ah Missile A Kah Ṭhan Caah Thi Le Hliam An Um
=======
Russia nih Ukraine ram hmun kip chaklei Khakiv in khuathlang lei Odysa le Zhytomyr tiang in missile akah tiah Ukraine ṭuanvo ngeitu hna nih an chim.
Khakiv le Odysa khua minung umnak inn le meilaknak inn pi tiangin a rawk chih tiah an langhter.

Ukraine chaklei Behmud khuapi zongah kahdohnak faktuk in a chuak fawn, Ukraine kuttang ummi Zaporizhzhya nuclear power plant in meilaknak zong a hrawh chih tiah an chim.

Ukraine khuapi Lviv ah missile russia nih akah caah tualchung minung 4 nunnak aliam. Ukraine Dnepropetrovsk ah drone hmangin bomb a thlak caah minung pakhat nunnak aliam pinah pahnih nih hlaim an tuar tiah ṭuanvo ngeitu hna nih an chim.
#Lungmili Post
#BBC

Relchap>>>>>>Indonesia Vawlei Minh Ruangah A Thimi 30 An Phan; Minung 24 An Tlau
==========
2023|Vaute 10| Indonesia ram ah Vawlei minh fak ngai a chuak i minung 30 an thi i minung 24 an ruak an hmu kho rih hna lo tiah mibawmchan tu phu hna nih an chim.

‘Athi mi ruak hna hi vawlei min mi cerhcek chung le inn le lo a rawk mi tangah an hmuh hna hi a si. Pehtlai in ruahpi a sur caah Indonesia ram cheukhat ah tilianhnak zong a chuak. Vawlei cung khua caan a that ti lo ca le thingram a rawkral tuk caah hi nak a zual hma deuh kho tiah’tuan vo ngeitu pakhat nih a chim.

Tuanvo ngei tu hna nih inn le lo a rawk mi chungkhar hna cu a himnak hmun ah an thialkam hna. Indonesia ram cu fur caan ah Vawlei minh a tamh bik ram pakhat zong a si.

Indonesia ram he neihniam te a si mi Malaysia ram zong ah pehtlai in ruahpi a sur caah ti lianh nak fakngai a chuak ve i minung 41,000 tluk a himnak hmun ah an zam hna i minung 5 an thi tiah kan theih. (ref:PopularNews)