Thihdan Na Pek Mi Hna Le Na Mi Thah Ning Hi Ngal Cang Tiah ” Min Aung Hlaing ” Cu Ralrinnak An Van Pek Cang

Thihdan Pek Nak Tuah Tilo Ding In G7 Nih Mun Aung Hlaing Ralrin An Pek

Hri Thlai Thahnawnnak Tuah Ti Lo Dingin SAC Cu G7 Nih Ralrin Pek

Vawlei cung Democracy ram rum bik hna nih sermi Grouf of seven(G7) nih SAC ralkap nih, Democracy a dirpitu minung pali an thahmi hna cu kan cohlang hrimhrim lo, tiah an langhter.

Canada, France, Germany, Italy, Japan, British le American ram sarih in sermi G7 phu nih, hri thlai in thahnawnnak tuah ti lo ding le thongtla mi vialte chuah dingin SAC ralkap a hal.

Kum 30 chungah a voikhatnak hri thlai thahnawnak le a dik lomi biaceihnak cu kawlram mizapi hna nih Democracy an i ruahchanmi zei rel lo a si, tiah an langhter.

SAC nih uknak an lakmi hello a fak bik in kan al, kan cohlang lo. Chawleh chawhrawlnak, ramkhel, zatlang nun, minung zawnruahnak lungthin le nuhrin covo kong ah kan lungre a thei, tiah cathanh an chuah.

Ramkulh komh kawlram ah SAC ralkap nih thih dan pekmi hello 100 hrawng an um rih, tiah Worldwide Amnesty phu nih an langhter.

Kawlram kongah UN aiawhtu Noland Heather le Malaysia ramdang Minister Saifuddin Abdullah nih SAC ralkap nih Democracy a aupitu minung pali an thah hnanak kong ah minung thinlung pu loin sual tuahnak a si, tiah an chim.

UN metting ah Myanmar ram a dirpi pengtu Russia le Tuluk nih Democracy a aupitu pali thahnak kong ah an cohlan lonak cathanh an chuah ve.Chinpost

Relchap>>>KIA Lei Pa7 An Thi Timi Thawngpang Cu Fianter Nak An Tuah

Woiyan kahnak ah PDF minung pa 7 an thi timi thawngpang a chuak.Wangmaw peng Woiyan pyituhsit sakhan KIA le PDF nih kahnak ag PdF minung pa7 an thi timi thawngpang diklo pakhat cu Telegram account chungah a chuak.

Mah thawngpang cu July 28 chunhnu suimilam 12 hnu ah Telegram account “Kyaw Swar” Telegram le Minewainle Ko Htets Information account hna nih an zamh.

Hello kongkau he pehpah in Pyituhsit sakhan ah an ruak pa 6 kan hmuh hna. A thi rihlo mi hliamtuar 20 an um i mah hnu pawl cu nihin zingah Myitkyina khuapi sizungah SAC ralhrang nih an kuat cang hna tiah KIA pasaltha pakhat nih KNG information ah a chim. SAC ralhrang Pyituhsit minung paruk an thi mi chungah pahnih cu Lisu miphun an si i pali i SAC ralhrang an si.

Cuka hmun kahnak ah cun KIA ralkap pahnih nunnak a liam i pakhat a ruak le meithal he SAC lei nih annlak piak tiah theih a si. Mah KiA lei a thimi ruak cu hmanthlak i KIA lei pasarih an thi tiah SAC ralhrang nih a diklo ning piin thawng a zamh mi a si.

Cucaah July 28 i Wanmaw peng kahnak ah PdF pasaltha pasarih an thi timi cu thawngpang dik lo a si i anmah ralhrang lei tu paruk an thih mi a si tiah KIa nih gianternak an tuah. Cucaah careltu pawl nih thawngpang dik le diklo thatein relthiam a biapi tuk tiah an langhterchap.

SAC ralhrang a dirkamhtu minung cheukhat pawl nih mipi lungzornak ding in thawngpang diklo SAC ralhrang a thimi hna kha mipi lei ralkap tiah thawng diklo an hman caah mipi nih ralrin taktakna hau cang. KNG Information

Be the first to comment

Leave a Reply

Your email address will not be published.


*