Thih Daan Pek Mi Zaw le Wai Cu Thih Daan Chungin An Luat Caah Mithi Nu le Pa Zong An Rak I lawm Tuk Ve

UK, Victoria College siahngakchia David Miller (kum 25) Le Hanah Witheridge (kum 23) cu september 2014 ah Thailand rili pawngah a thi cia in an hmuh, cu nu cu tleihhrem a si tiah an ti.

Hi an thihnak konghe pehtlaiin Kawlram mi Zaw Lin le Wai Phyo cu an teih hna. Thih dan pek dingin Supreme Court nih bia a ceih hna hnuah Thailand Vajiralongkorn nih a ngaihthiam nak hna kong cu a chim i thihdan chungin an luat.

ZawLin le Wai phyu cu Thailand siangpahrang nih a chuahcam 68th birthday celebration ah a ngaithiam hna nak bia a chim, dam chung thongthlak ding cu a zaangfah hna.

Mithi David Miller a nu le pa le Sue Miller nih kan fapa thattu 2 cu Thailand siangpahrang nih thihdan chungi n a chuah hna i kan thawpi kan chuah khawh cang tiah an chim.

Siangpahrang nih a ngaihthiam hna nak ruangah kan i lawmtuk tiah an chim.Kan fapa ngaih ah hin kan tap peng tiah an ti. kan fapa kan ruah caan poh ah a hawinu Witheridge hna chungkhar tuarnak kan theihthiam piak hna.

Kan fa le thattu ngaingai cu kan thei lo nain Zaw Lin le Waiphyu Nih an thah hna tiah an phuang cang.Thihnak dan chung i an luat cu kan lawmhpi hna, asinain midang chungkhar mitthli an tlak ter tilo nak dingah thawngin chungah caan sau deuh pi um hna seh tiah an ti.

 326 total views,  1 views today

This function has been disabled for Chin 11 News.