Thiang Thlarau Hruainak In Kal Law Khamhtu Jesuh Cu Na Ton Ko Lai

Christmas lawmhnak nan dihlak cung ah um ko seh! Kum 2019 Christmass dam tein nan phan cio hna maw? Chungkhar tling in nan phan cio hna maw? Nan dihlak cungah Christmas daihnak le lawmhnak cu nan dihlak cungah um ko seh.

Vawlei mi hna kan sualnak khamh awk caah nautabik caw inn ah kan khamh tu Khrih cu a chuak cang. Bethlehem khua ah Jesuh Khrih a chuahnak cu nangmah le keimah kan sualnak chung in khamh awk a si.

Lungrethei le lungkuai in na um maw? Lungrethei le lungkuai in um ti hlah uh. Kan caah khamh tu naute a chuak cang. Tukhal hna nih Bethlehem khua ah va kal i Jesuh cu an biak bantuk in kan thinlung chung ah khamhtu Jesuh a rak chuak mi cu thangthat cio hna usih.

Nichuak lei Arfi zoh thiam hna nih an mah fimthiamnak i bochan in Herod siangpahrang inn ah a chuak rua lai tiah an ruah. Cu ruang ah Herod in ah an va kal. Herod nih kum 2 tang hngakchia vialte a thah dih hna. Sihmanhsehlaw Arfi hruainak in an kal tikah cun khamhtu chuahnak Bethlehem khua ah an va ton khawh.

Thiangthlarau hruainak in khamhtu chuahnak lei ah na kal ahcun Jesuh cu na ton ko lai. Nangmah fimthiamnak le thil ti khawhnak i bochan hlah. Thiang thlarau hruainak in Bethlehem khua lei ah kal law Jesuh cu na ton ko lai.

 

 234 total views,  1 views today

This function has been disabled for Chin 11 News.