Thet Mon Myint: Christmas Kan Hman Cu A Nuam Taktak

Thet Mon Myint: Christmas kan hman cu a nuam taktak. Myanmar lemcang minthang a simi Thet Mon Myint nih Neypyiraw ah Christmas kan hman cu a nuam kho taktak tiah a chim.

A chim rihmi cu ” Myanmar Vice President Henry Van Thio sawmnak in Neypyiraw ah Christmas kan va hmang. Kanmah Laithuam tein Christmas kan hman caah kai lunghmuih khun. Kan Laitlang ka phan rua ti tluk in kai ruah. Laimi a si lomi zong nih Laithuam he an van i hruk cio, hlasak thiam tampi he hna kan i tong hna i a nuam taktak” tiah media pawl interview ah a chim.

Myanmar Vice President Henry Van Thio le chungkhar hna nih an inntual ah Christmas Kawlram cozah riantuan sang zong an i tel kho. Daw Aung San Suu Kyi, President Win Myint le President hlun Htin Kyaw zong an i tel kho. Chinmi chung in minthang lemcang Thet Mon Myint te nupa le hlasak thiam Sung Tin Par zong an i tel kho. Chin vuanci tampi le Kawlram vuanci tampi zong an i tel kho.

Myanmar Vice President Van Thio nihhin President a tuan hnu cun Neypyiraw ah kum fatin in Christmas hi a tuah tawnmi a si. Tukum zong sunglawi taktak in a tuah.

 

 367 total views,  3 views today

This function has been disabled for Chin 11 News.