Thawntha Taktak: Coronavirus A Damh Kho Tu Sii Min An Hun Phuan Chuah Cang Hih! (+Video)

Tulio ah vawlei cung mipi nih kan tih taktak mi COVID-19 zawtnak a damh kho tu sii cu Japan ramah an hmuh cang. Hi sii hi China cozah nih felfai tein research an tuah hnu ah COVID-19 positive pawl thlopbul nak ah an hman tikah damnak tiang a phakter khawh hna tiah an chim.

China ram NCBD (National Center for Biotechnology Development) director a si mi Zhang Xinmin nih hi sii kong hi Nizan (Tuesday) ah khan Beijing ah conference a tuah nak hmun ah tha tein a chim mi a si. Zhang Xinmin nih a chim mi cu “Japan nih an ser chuah mi ‘AVIGAN’ sii hi tulio zawtnak COVID-19 caah damnak a chuahpih kho tu a si pinah pneumonia le zawtnak dangdang zong a damh kho mi sii phunkhat a si.

Cun ‘AVIGAN’ sii hi Wuhan City le Shenzhen City ah hneksak nak kan tuah cang mi a si mi minung 240 kan damh nak cang hna. COVID-19 positive a si bak mi hna pawl cu ‘AVIGAN’ sii kan pek hna hnu in ni 11 ah cun an dam hna i positive cu Negative ah a hun si hna. ‘AVIGAN’ nih hin cuap riantuan nak a thawn ter caah COVID-19 zawtnak hrik hi a thah khawh ko tiah chim khawh a si” tiah a chim hi a si.

 

Tling tein rel a duh mi hna caah linkĀ  >>>

https://www3.nhk.or.jp/nhkworld/en/news/20200317_48/

 2,939 total views,  1 views today

This function has been disabled for Chin 11 News.