Thawngthar: Ralhrang Pakhat Hmanh Hakha Phanh Dawh AN Bang Lo, A Tuhi Chunchung Ralhrang Kan Chin Ralkap Sinah Minung Ceilak An I Ap

Thawngthar: Ralhrang Pakhat Hmanh Hakha Phanh Dawh AN Bang Lo, A Tuhi Chunchung Ralhrang Kan Chin Ralkap Sinah Minung Ceilak An I Ap
Kan chin ralkap nih SAC ralhrang rual cu thalhnih chung deng bawh in an kah hna i minung 200 nawn chungah minung 140 hrawng hi kan chin ralkap nih that hna sehlaw a lo cang. An motor le an hriamnam tam taktak an van i phurh mi cu lampi ah Hakha phanh loin kan chin ralkap nih an hrawh piak dih hna i.

Kan motor 21 le an tank 2 le an JCB 1 an hrawh cang. AChuncung ah hin SAC ralhrang le kan chin ralkap an i kah nak hi ni li a si cang i Chuncung ralhrang minung tampi cu kan chin ralkap sinah an i ap cang tiah theih a si.Chuncung ralhrang minung 17 kan ralkap sinah an i up cang! Adang 30 kong cu biathli asi tih!

Relchap>>>>Lai pungthluk ah na pu nek hlah na taw kua lai ti si!
Kan unau CNO/CNDF nih CNA/F cung ah an lungfak ngaingai ti cu fiang ko. Pupak ka hmuhning ahcun
CDF-Hualngo le CDF-Zanniat anmah ten an chuah mikhi CNF nih an forh hna tiin an ruah. CNF nih CDF-Hualngo le Zanniat khi CNDF ah um uh tiah a kan ti piak seh tikha an duh, nain CNF nih dothlenak i lungtho mi poh kha an lungfah tar an duh lo i, anmah le siarem ning te cio in dir ko hna seh an ti.

Curuang ah cun mi zeipoh CNF nih an welcome hna. Cun kan kal chung cangmi kan dothlennak kum 2 chung zok tik ah, pengtlang hriamtlai cio i an politics target cu thilthei pah minih cun cuanhkhawh cio si ko.

1.
MDF hi an i tinh bik mi politics cu Chinmi ca-ah zeitindah rian ka tuan khawh ve lai ti si loin, Mara phun ca-ah zeitin dah opportunity ka ngeih ve lai, Mara voice ka ngeih ve lai ti kha an i tinh bik mi si ko, tawifiangnak in.

2.
CDF-Mindat an nih hi kawl politics a dawi ngai mi an si, Laimi Chin aa timi pawl hi zohniam/thlanglamh deuh i, kawl/burma pawl hi a tihzah deuh mi an si ve. Cun dothelnak hramthawk ah khan ralhrang hriamnam tamlak te an lak khawh i, cunak in cun an lungpuam i CNA/F kha zei rello phun in an um ve.

3.
CNO/CNDF an nih hi an top leaders pawl le an top supporters leaders pawl ah, Hakha nih Falam khuali pi a kan chuh timi le hlanah CNA ralkap nih an khua i, thilsual an tuah mi pawl kha tuni tiang an huat hna . Fawinak in 1988 mentality a ngeimi an tam tuk rih. Cun kawlram politics hi media influence le attention lak in politics play tuah khawhmi ah an ruah.

Cu ruangah kan mipi pawl nih hi hriamtlai pawl hi kan huat len hna awk si lo. Kan mah hi CNA/F tangah daite in kan um khawh le, dinfelnak te he kan kal kha biapi deuh. CNA/F tanhmi Chin tlaihtlem he Chin miphun ca-ah tiin pathian rian khinhmi ah aa ruatmi kan si bantuk in, kan lungput zong Pengtlang level lawngah kan um awk si ve lo.
Note: Ca na rel tik ah step by step in rel law comment pe. Na duhnak te lawng char in comment pek hmang hlah.