Thawngthar: Ralhrang Jet Fighter Nih Chuncung Khua Bomb An Thlak Ee
Jet fighter nih Chuncung lei bom a thlakmi ah Lungphun Baptist thlacamnak inn an sakmi kam hrawngah a thlak i ram zong a kaang pah an ti.
Khuachung Inn umnak ah cun bom a tla loin kan ruah ko tiah an ti.
Ralhrang motor hna hi Chuncung khua an chuak kho rih lo tiah kan theih.
Crd… Salai William Hlawnceu
Relcchap>>>>>Zan Mang Le Chunmang Ahcun Kan Tei Hna Federal Kan Hmuh Cang Nain Atak Ah Mipi Thihnak Le Innlo Ciamh Dihnak Tu Asi
NUG, Dr. Sa Sa le Dr. Lian Hmung Sakhong te nih an kan hmuhsakmi Chunmang ahcun 2021 dih hlanah khan MAH hi kan tei diam cang I Federal Democracy kan hmuh diam cang lai nain atak ahcun Thantlang Khualipi ṭionak, Jet Fighters in mipi kahthatnak, lam pawng khua le innlo vialte mei ah ciamnak, Jesuh Kri Voihnih arat ṭhan lai kha hngak lion rilcat lai ni le thih lai ni a hngak mi ko kan hluan cang.
Vawlei kan zoh apit, van kan zoh ah a sang timi dirhmun in khuasa can cu tu bak hi asi.
CDM tuah dih uhlaw, thlakhat ah kan tei lai tiah Min Ko Naing le Dr. Sa Sa te nih an rak kan ti. Chinmi 80% leng nih CDM kan tuah.
Kan tei lo caah hi hnu thlathum ah an kan ti ṭhan. Kan tei lo tikah Pathian (pathian) hmanh nih a hngalh ti lai lo an kan ti diam ai.
CDM kan cawm khawh ti hna lo. Hmailei ruahchannak pelte hmanh um loin zumhnak in an nung.
EAOs vialte hmunkhat ah kan fumton lai I Federal Army cu Dr. Sa Sa nih asiam lai nan kan ti. Aruang tampi ruangah asi khawh lo.
EAOs tam deuh cu MAH lei ah an I mer.
MAH hawikom EAOs le Tlangcungmi Party hna nih 2023 thimhnak ah lut awkah an tlo ning le an hliphlau ning zoh tikah, NUG Hawikom EAOs hna nakin an Krismat deuh saumau.
Civui le Khawmpi a zawh lai ko bang le maw? Thaizing ah pennak a tlung cang lai ti phun in an cangvai. Panglong le Federal tlunpi lai bang cu ngai cu.
NUG nih a poi loh, NUG hawikom EAOs 4-5 le PDF LDF CDF in Federal Army kan siam lai ti asi ṭhan.
Mipi cu TEI kan duh tuk hrinhran caah asi khawh le sikhawlo tuak lem lo piin YES AMEN Halleluiah kan in ti ko hna.
NUG nih Panglong le Federal cu amakhan mi le biakam senthuhnak an tuah khawh lo caah CNF lawng nih Alliance dik in NUG ah a um.
Kawlte PDF LDF 200 leng le KTLA tbk cu NUG nih cohlan duh lo ansi. Zeihmanh bawmh nan duh fawn hna lo. Raldoh ngaingai mi anmah an si fawn.
NUG Federal Army cu Division 5 in tuah asi I, aherh mi vialte a hlei hluat tiangin bawmh ansi nain Chin le Karenni bangin Biatak tein ral an doh ti lo.
Chin Kaya KTLA Kachin Sakai le Makui hnarcheu lawng cu Kum 2 leng NUG nih MAH cu nan kan doh ter.
Hmailei ah raldoh nan I timh ko maw NUG tiah biathlai phu nan si ko. I faksak hlah uh.
NUG Dollar 300 million leng cu Raldohnak ah hmang loin le Raldohmi hna pek loin anum hoi.
Vanlawng kahnak kan cawk cang, MAH na duh le rat tiah NUG nih nan singkhaw caah Khuafo, Vuibulla, Tuingo, Camp Victoria le Chin khua dang zong Jet Fighters bakin kah kan si.
Acan zat hlan ah Pardawh rual tampi an ṭil. Innlo le hlawnthli man relcawklo cu Hellmei Tili ah an ciam ko.
NUG nih Kawlram pumpi raldohnak nan tuah ti lo caah Chin lawng tein mah kutke tein ralhrang cu kan doh hna. Mi bangin cawnglawmh lo sirih.
CBCUSA thawngin hriam phuntling neih khawh in MAH thluk dingah kan I timh nain, CBCUSA Lutlai hna ruangah USD 12 million cu Meihol ah aa cang diam ai.
Alhnak a nei lomi Cite tung bak ah aa cang diam ai. Lot Nupi Cite tung kha.
Pathian thimhmi Apa David SPH ṭhutdan a cuhtu Absalom bang leh maw Chinland Zalonnak le Za Uk pennak caah Pathian nih an kan thimh piakmi Rev. Zammang, Rev. Dr. Thla Awr, Rev. Dr. Thawng Ling Mualhlun cu Nominate committee nih hramhram in nawlngeihnak nan chut hna.
Pathian cu misual ngaihthiam tu asi caah nan Krifabu le Chinmi nih kan ngaihthiam ko hna nain Fungfek in phaar koin hoih ding bak nan si.
Satan hi keimah timi Lungthin angei caah van in thlak asi kha.
Ka fim ve ka thiam ve tiah CBCUSA upa hlun Nawlcawng in mah pahrang asi lomi cu ninghngalh tukin nan I tlaih sual caah a tu bangin mual nan pho hi asi.
Nan Techin Fapar tiangin rolung nan bunh hna. Siivai nan kan din.
Chinland Club nih nan aiawh ah dollar an khawmh lio asinain tutan ah I khamhnak caah a can nih an ka deih tilo.
Hmailei cu Pathian le CC thawng NUG le CBCUSA nih hlen mi vialte kan I ngeih ve te ko lai.
Mi Nawlcawng a ṭhat lonak tuanbia: Hrawmbo a ngeih mipa cu a dam khawh tilo caah a hui mi Tidil ah thih ning tiah aa ciah.
Khuacia fale rual lente aacelhmi nih ka pu na pumpuluk rak kan hlan chung an ti I a hrawm bo cu an I lak I a dam.
An Innpa pa nih a Nawlcawng in Tidli Hui mi ahcun aa vaa ciah ve. Khuachia fa le nih ka pu lentecelh kan huam tilo, Na balloon kan I pek ṭhan an ti I Hrawmbo 2 he an ṭin ti asi.
CBCUSA lutlai thar hna le Nominate Committee cu hi tuanbia hi kan si ko.
Chinland thihnak le nunnak he aa pehtlaih mi kongah nan fello caah nan poi bak.
Tutan Kawl Kumthar Water Festival camtuak lai ah Chinland nakin a tuar dueh mi Sakai peng Pazici khua cu PDF, hruaitu le mipi hna nih NUG meeting an tuah lio ah le Rawl ei lio ah Jet Fighters in an kah hna caah 100 leng an thi. Ngakchia 20 deng an thih.
NUG nih Ti toih puai tuah hlah uh tiah an ti caah an kah hna tiah ti cio asi. Khuami venhimnak tuanvo lak an philh.
NUG Vanlawng kahnak cu hlam cio asi cang. An cawklo an kan hlen tiah Kawlte nih an ti ve cang ko. Kan mah lawng a timi kan si lo.
Pu Yemon nih Vanral vennak caah kan hman a ti nain Chinland khuate a kah mi ah Venhimnak khur hmanh aum lo.
A buin one command tang ah raldoh hi NUG MOD nih kan kuri khawh lo ahcun MOD cu phuah ding,
MOD cu EAOs ralbawi hna thimh ding asi cang ko.
CDFs zong nih biatak tein khua tuak uh tiah kan nawl duhmi hna cu: CNA ah lut dih uh ti hi asi. One Command tangah raldoh asi ahcun tutan Kalay le Hakha karlak I kan thil tuahmi Mangtara nakin a let 100 in teinak kan hmuh deuh lai.
Ralkap tampi nakin One command tangah ral an doh ah TEINAK an hmuh cikcek timi hi vawlei tuanbia ah a um mi asi.
CDFs vialte nih CNA ah kan I fonh duh lo ahcun CNA he funtom in One command tang kan um ti hngalh nak caah CNA battalion in um uhlaw, CNA code of conduct kha zulh uhlaw, anmah command tang ah um I zuam hram uh.Crd… Joseph R. Thang
Leave a Reply