Thawngthar : Chuncung Khua Lonh Ah Chin Ralkap Le SAC Ralhrang An I Kap

Thawngthar : Chuncung Khua Lonh Ah Chin Ralkap Le SAC Ralhrang An I Kap

Ralhrang le an motor rual hi Chuncung khua in an chuak rih lo. Chuncung khuadongh lei sanghnihnak hrawngah tunai kha Chinralkap hna he faak ngaiin an i kap tiah kan theih.

Nihin zingka zongah Drone in an phomh pah len hna ti tiang thawngpang theih khawh rihmi a si.Crd… Salai William Hlawnceu

Relchap>>>>>Kan Unau Mizoram hi India ram,Assam State tangah a rak um i,Hi lio ah hin Assam cozah uk hruainak in ai zohkhenh mi an si.Cucaah Pu Laldenga nih a ruah lengmang tikah thil sikho ah a ruahlo caah Lushai Hill chung um Mipi sinah miphun le ram dawt i Assam kuttang in chuah,a sullam cu,India kuttang in chuah khawhnak ding lam kha a kawl.

Kum 1966 kum ah khan Pu Laldenga nih ralkap a dirh mi hna nih Aizawl khuapi chung,Laammual le a pawngkam i hmunkhuar a ngei mi Assam ralkap hna cu an erh hna i leeng ah chuak kho lo in an tuah hna pinah Laammual ahcun MNF ralkap hna nih cun Independen kan si tiah an thantar an rak tar i vai ralkap/Assam ralkap cu an rak erhkhumh chih hna caah Assam ralkap pawl cu ei ding le din ding ngei lo dedeng in an rak chiah hna.

Cucu India cozah nih a theihtik ah hi lio i India Prame Ministera si mi,Smt. Indira Gandhi a si lio a si.A nih hi Nu a si i a thinlung a rang ngaingai mi le a ral a ttha ngaingai mi a si.Cu nih cun Aizawl khuapi chung i Assam ralkap pawl a erhtu hna MNF pawl cu Jets fighter hmangin a kah hna,cu a kah mi hna cu NUO nih,ziah na ram chung mi vanlong hmangin na kah hna tiah an rak ti.A leh mi hna cu,”Ka kap hna lo,a rak ti hna.

MNF nih Mizoram nih zalonnak a hmuhkhawhnak dingah Pu Laldenga hruainak in an ram le miphun caah an rak ttuan i mitampi an nunnak a liam,Mipi hrem le thah an tong i nu pawl tleihhrem piak an si.Khua 10 hna kha khua pakhat ah an fonh hna,khua tampi an khangh,cu ti an tuah mi cu kanrrih hna selaw i salender’s dih hnaselaw kan kut tang te ah um tthan hna seh ti khi a si.Hhibantuk thluak hi,Britis cozah nih an rak teinak ca i an rak hman tawn mi kha an hman ve mi a si.

Hi ruangah Lushai Hill mipi hna chungin an mi fiim ti mi pawl le khrihfabu kip hruaitu han nih Pu Laldenga cu,Rak kir ko uh,Saipi kap dingin nan kal,sihmanh selaw Sakhi nan rak phurh zongah kan ilawm ko lai,an rak ti.Hi lio ah hin an mipi hna nih khabantuk khan rak ti hmanh hna hlahselaw Pu Laldenga le a lei ttang pawl nih khan Independen ngaingai kha a donghtiang in kalpi an rak i tim ti loh ti kha a fiang,cucu MNF a si ve mi,Pu Lalnunmawia le a haiw le tu kha Independen taktak hmuh hlan ahcun kir a duh mi an rak si lo.

Pu denga le a hawi le pawl cu an lung a dong,mipi au aw le a thang,Mizoram mipi hremnak le a karh,cucaah minung tampi an thih cang hnu le an inn le an lo an khangh piak hna hnu le an khua an hrawh piak dih hna hnu ah an tlawm/a sung an khaan i 1086 kum ah khan MNF 500 tluk le an hautu Pu Laldenga le Pu Zoramthanga hna cu India cozah tangah,Kan nih cun India miphun kan si tiin an hriam chiahtaak in an rak luut.

Note:Tutan kan dothlennak ah hin kan miphun nih thihnak le hliam le hma le sungh zatlaknak vialte hi philh riangmaang in kum 70 tluk an duhtawk in a rak kan uktu Ralhraang kut tang ahcun maw kan va luh rih hnga?Teinaak lam kan neih thluahmah cang caah Min Aung Hlaing nih mipi harsatnak ding a lam phunphun in a kan ti lio ah hin kan aw maw thleng sual hna lai ucih!!!Hibantuk in kan mipi cung i ralhraang a cawlcanghnak hi kan teinak ding lam thluan a tawitertu a si lai tiin kan miphun ttang ttualmal ko rih han usih.Kailawm…By.. Tin Duh Thang