Thawngtha Taktak, Tuluk Ah A Tlaumi Faphir Unau Pahnih Cu Tluang Tein Kawlram An Kuat Cang Hna

Sagaing ramthen, Tamu khuapi, myohmah bazar sang/veng 10-nak ah a um mi Pu Abraham fanu faphir unau hna Mawiberi le Mawizuali cu 2018 ah khan Tuluk (China) ram ah an rak kal. Kumkhat a rauh hnu 2019 May 14 hnu khan cun an chungkhat pawl nih zeihmanh an thawngpang theih a rak si ti lo.

Cu ruang ah hringtu an pa Pu Abraham cu thinphang lungrethei in a um cang caah Media pawl sinah May 4 khan a rak chimh hna i faphir unau pahih an tlau nak thawngpang cu Online ah rak thlah cio a si i hmunkip um Lai mi nih cun rak thlingthlat le ngiatthlai cio an si. Cheukhat nih cun thonginn chung ah an um lio a si caah awlzaang tein an chuak kho rih lai lo tiah thawngpang fiang huaha lo zong an rak chim cio hna.

Tuchun ah khan hi faphir unau hna cu Tuluk (China) cozah nih aram chung Myanmar thongtla pawl cu Myanmar ramchung ah a rak kuat mi hna lakah hi faphir hna unau hi an pahnih bakin an i tel ve i Shan ramkul lei in Myanmar ram chung ah tluang tein an raklut cang tiah thawngpang theih a si.

Hi faphir hna unau hi Quarantine an chiah hna lai maw an chuahsem nak Tamu lei ah an kuat cawlh hna lai dah ti hi cu theih fiang a si rih lo nain an unau tein Myanmar ramchung ah tluang tein an lut kho cang tiah theih asi.

Source: Vapualauaw

 159 total views,  1 views today

This function has been disabled for Chin 11 News.