Thawngṭha Chimtu Saya David Lah Cu Ramchung In Chuahter Asi

Thong thla thum thlak a tong mi thawngṭha chimtu Saya David Lah cu August 14 ah Insein thong in a luat cang tiah Insein thong ṭuanvo ngeitu pakhat nih fianternak a tuah. Thong in a chuak cang mi Saya David Lah cu Immigration lei ṭuanvo ngeitu pawl sin ah kal pi asi lai i cu dih cun Canada ram ah tlun ter ding in tuah asi lai tiah a chim chap.

“David Lah thong in a chuak cang, thal 3 thongthlak dih hna ah asi. Immigration lei ah kan kal ter cang, ram dang mi asi caah asi. Canada ram lei ah tlun ter asi lai. Canada ram ah khirh asi lai” tiah ati. Saya David Lah he thongthlak ṭi asi mi U Wai Tun (Nawarat) zong hihnu ni 2 ah thong in a chuak lai tiah a telh chih.

Clovis-19 zawtnak khenkham lio caan ah nawl chuah mi phung buar in tonpumhnak an tuah timi ruang ah Yangon Region, Mayangone township baiceihnak hmun biaceih an ton asi.

Saya David Lah le U Wai Tun (Nawarat) cu Natural Disaster Management Law, section 30 (a) in thla 3 thongthlak ding in August 6 zinglei ah khan baiceih an si. A hmasa ah cun National Disaster Management Law, section 25 in tazacuai an si nain biaceihnak an tuah tik ah cun section 30 (a) in bia donghnak an khiah asi.

Note: Saya David Lah cu August 14 zaan ah khan Canada ram lei ah kuat asi cang tiah theih asi.

Ref: CCN

 153 total views,  1 views today

This function has been disabled for Chin 11 News.