Thawngpangthar: Nihin CDF Le Ralhrang Kahdohnak A Chuak Ralhrang A Thizat Le Hliamtuarzat Fian A Si Rih Lo

Nihin September ni 19 ah Chinram Cengtum khua ah SAC ralhrang le CDF kahdohnak a cuah tiah theih a si. Mah kahdohnak kong he pehtlai in CDF pasaltha hna hi him dih dawh an si i Min Aung Hlaing ralhrang belte a thimi zat le hliamtuar zat hi fiang tein hngalh a si rih lo. Chinram hi ral lei ah kan van dai rua kan ti lio ah kahdohnak hi pehzulh in a um peng thiam rih ko .

Relchap>>>>>>Chin Ramkulh Khualipi Zung Vialte Cu Tthial Timh Asi!
Chn ram kulh nawlhngeihnak a ngeitu hna nih cun,Chin ramkulh Hakha khua chung zung vialte paohpaoh cu,Tedim peng Khaikam khua ah a si lo le Kalay ah tthial dingin ,Min Aung Hlaing sin ah halnak an tuah tiah theih a si.

Hibantuk i an halnak a kong an chim ning cu tihin a si.”Chin ramkulh Hakha khua i zung cu Min Aung Hlaing a dohtu hna nih heh tiah meithal an puah i ralkap an kah hna,zung zeimawzat cu CDF hna nih an hrawh,Sianginn zong kan ong ngam lo,Zung zong kan ka ngam lo,cu caah Khaikam a si lo hmanh ah Kalay ah kan tthial piak uh tiah,Min Aung Hlaiing sinaih nawlnak /halnak an tuahnak cu a si,a ti.

Mah bantuk in thil a can hi,Pu Ngun San Aung a rian i an dinhter hnu,Dr.Vung Suian Thang,Ngun San Aung zaka ca i an khinh hnu ah ,Hakha khualipi cu hmun dang i tthial a duh peng mi pa nih a tu thlakhat a ttuan chung te ah a thinlung um peng mi cu a a tu a langhter cawlh hi a si.CRD TinduhnThang

Relchap>>>>Mercy Ngun Tha Chin An Tlaih Nak Ruang Theih A Si Cang

Kawl ralhrang nih hakha ah Mai Mercy Ngun Tha Chin an tlaihnak kong cu tuzing ah khan anmah ralhrang thawngthanh nak Fifty Two News ah an langhter i Chindwin News Agency zong nih thawngthanh nak an tuah ve mi chungin thawngpang theih asi.

Kawl ralhrang nih thawngthanh nak an tuah ning ah cun “zahan zinglei suimilam 9 hrawng ah khan Hakha khuapi chung Pyidawtha sang ah a ummi Mercy Ngun Tha Chin cu Kawl ralhrang nih kan tlaih cang tiah an langhter.

Mercy Ngun Tha Chin cu social media le Facebook messenger hmangin Kawl ralhrang thatlo nak kong thawngpang a phozar lengtu asi. Cun Chin ramkulh hriamtlai hna zong biatak tein a dirpi tu le thazaang a petu asi tiah dalaan nih fiang tein an kan chimhmi ruangah Mercy Ngun Tha Chin cu kan tlaih khawh.

Mercy Ngun Tha Chin hi zahan zinglei ah khan Cengkerh Collection, Chin Cultural Store timi dawr i a kal lio ah kawl ralhrang nih kan tlaih hi asi” tiah Fifty Two News nih cun an langhter hi asi.

Nihin tiang Hakha khuachung ah dalaan an um pengmi hi cu lung afak tuk hringhran, Chin miphun an kan that lengmangtu kawl ralhrang thazaang ape rihmi le a dirkamh rihmi hi cu Chinram chung hmanh in chuah ding an si ko cang. Anmah dalaan ruangah sualnak ngeilo mipi kan temtuar tuk hringhran ko cang e. (Credit: Lai Holh Thawngzamh)

Be the first to comment

Leave a Reply

Your email address will not be published.


*