Thawngpangthar: Chinram Mindat Ah Kahdohnak Fak A Chuak Ralhrang Nih Raltuknak Jet Fighter In Kan Chin Ralkap An Phomh Hna

Thawngpangthar: Chinram Mindat Ah Kahdohnak Fak A Chuak Ralhrang Nih Raltuknak Jet Fighter In Kan Chin Ralkap An Phomh Hna

Mindat Peng Ah Kahdohnak A Chuak, Jet Vanlawng In Bomb An Thlak!
=====
Chin ramkulh Mindat peng Peinrein khua le Weilu (ဝေလူး) khua karlak ah CDF-Mindat le SAC ralhrang karlak ah kahdohnak a chuak tiah teih a si.
January 8, nihin zingah kahdohnak a chuak i Peinrein (ပိန်ရိန်း) khua cu SAC ralhrang nih mei an duah.

Zaanlei suimilam 3:15 tluk ah Jet vanlawng in Bomb voi 2 a thlak tiah theih a sinain January 7 zaan in SAC ralhrang nih Phone line an phihpiak dih hna caah a hmunhma fiangin theih a si rih lo tiah an langhter.

CDF-Mindat in pasal ttha minung 2 nih hliamhma an tuar i thinphang tuk an si lo. SAC ralhrang tamtuk nih hliamhma an tuar (an faktuk) tiah theih a si.
#Source:Zalen
#Photo:Crd
#Lungmili Post

Relchap>>>>>>KNLA, PDF Fonh Nih Ralhrang 7 An Thah Hna!
=====
Bago ramtthen Kyaukkyi (ကျောက်ကြီး) lampi ah KNLA le tualchung hriamtlai phu fonh hna nih SAC ralhrang an kah hna i 7 an thi tiah BPDF-Yoma nih thawngthanhnak an tuah.

January 8, nihin zing suimilam 8:30 tluk in kahdohnak a chuak i SAC ralhrang 7 an thi, hliamtuar mi zong an tam caah hnulei an kirzaam dih tiah BPDF – Yoma nih thawngthnahnak an tuah.
#Source:Khit Thit Media

Relchap>>>>>Inle PDF Le A Bawmtu Minung 12 Tlaikhih An Tong!
=====
January 3 ah Shan ramkulh Taunggyi peng khat Nyaung Shwe pengchung ah SAC ralhrang le Inle PDF karlak ah kahdohnak a chuak i PDF hruaitu minung 2 telh in PDF chungtel minung 12 tlaihkhih an si tiah ralhrang nih January 8, nihin ah cathanh an chuah.

Nyaung Shwe peng Inntein (အင်းတိန်) khua ah phungki pakhat cu December 27 ahkhan SAC ralhrang nih an tlaih hnu in mindang pawl zong chekhlatnak tuah in tlaihkhih an si tiah theih a si.

SAC ralhrang nih cathanh an chuah mi ahcun a thimi ruak (6) le nu pakhat telh in minung (😎 an nungin tlaihkhih an si i cu chungah PDF hruaitu 2 an i tel. Thawngpetu le chungtel dihlak 12 tlaihkhih an si cang tiah an langhter.
A tuzong Nyaung Shwe peng Inle lei cu kahdohnak a dai i SAC ralhrang nih mipi chekhlatnak an tuah hna tiah theih a si.
#Source:Shan News
#Lungmili Post

Be the first to comment

Leave a Reply

Your email address will not be published.


*