Thawngpangthar: Chinram Ah SAC Ralhrang Motor 4 Khat In Ralhrang An Rak Kai

Thawngpangthar: Chinram Ah SAC Ralhrang Motor 4 Khat In Ralhrang An Rak Kai

Ralhrang Mawtaw 4 Chinram An Lut
April 18 zingah ralhrang mawtaw 4 cun Kalaymyo suahsan in Tedim peng sungah an lutih Falam, Hakha maw Tedim an pan ding timi felfai in theih a si hrih lo.Crd.. Vapual Au Aw

Relchap>>>>Ralhrang In thawngtla Tampi An Suah Zalen
Rlahrang ralkap cun Myanmar kumthar dencen in thawngtla 3000 tlun an suah zalen thu mipi theihternak an nei ih, ramdang thawngtla 98 khal suah zalen an si tin thu an suah.
Ralhrang ralkap cun “Myanmar kumthar hminsinnak hrang le mipi lungawinak hrangah thawngtla 3015 suah zalen an si.

Hivek cu minungpi duhtawk zangfah lainak ruangah kan tuahmi a si ih, suah zalenmi pawl neta ah dankalh sualnak pakhat khat an tuahsal asile an thubuai hlun pawl khal an nung thluhsal ding.

“Myanmar kumthar a si vekin ramdang le kan inn hnen ram pawl thawn rualrem zetih kan umtlang theinak dingah Myanmar ram sungih ramdang thawngtla 98 pawl khal suah zalen an si. Ramdang thawngtla suah zalenmi pawl khal Myanmar ram sungah dankalh sualnak an tuahsal asile a thubuai hlun pawl a nung thluh sal ding a si,” tin Ralhrang cun thu an suah.

Ralhrang in thu an suah hnuah ramsung hmun tinkim thawnginn ihsin suah zalenmi an um hngal ih Yangon Insein thawnginn khalin thawngtla 200 tlun suah zalen zo bangin Kalaymyo thawnginn khalin thawngtla 23 an suah zalen ve.

Dothlengnak hotu pakhat cun “Ralhrang in thawngtla an suah zalen tinten ralhrang dinmi pawlkom thar a um phah theu ih rukru le suamhmang an tam deuhdeuh. Thawngtla suah zalenmi lakah umnak ding nei lo,misual mak tara tivek an telih mipi pawl kan fimkhur sinsin a tul,” tin a sim.