Thawngpangtha Taktak: Russia Hriamnam Thatha Cu A Dih Zuahmah Cang

Russia Hriamnam Cu An Tim Zuahmah Ko
Russia cu a hriamnam tamtuk a sung cang, air defense system siseh, anti- missile system (S-400 and S-300) ai phazo ti lo caah ramdang a chiahmi pawl zong a lak dih nawn cang hna.

Kan hnu i Syria ah a chiahmi pawl cu ai phakzawh tilo caah a lak i Ukraine lei hman dingah tipawng in a rak phurh viar. Tutan hi le Western EU vengtu dingah a St. Petersburg ah a chiahmi vialte cu lak viar lo awk a tha ti lo i a lak viar i Ukraine leiah a kuat cuahmah lio asi.

Tuning tein December thla tiang faktuk in an i kah ko rih asi ahcun Russia rampumpi ngeihmi hriamnam cheuthum cheuhnih cu a dih lai. Ukraine le a hriamnam a tha chin lengmang fawn i, raltuk le an lung a tho chin lengmang fawn cang.

US nih a pekmi HIMARS-GMLRS khi 92 km tluk hla lawng a kap kho mi asi rih, cu hmanh cu Russia nih an celh ruam lo. 300 km tluk hla kap kho MGM-140 ATACMS hmanh a pe rih lo, ATACMS khi hypersonic speed in a zuang cangmi si kaw Russia missile defense system nih cun a kham a har chinchin cangmi lawng te an si. Tu i US nih surface-to-air missile system NASAMS Ukraine bettery 2 kuat a timhmi te hmanh khi mitampi nih cun Russia S-400 nak hmanh in a tha deuh an ti len.

Russia caah an hriamnam a tim zuahmah, Ukraine caah cun NATO le US hriamnam khi ka ta, ti tluk in a hman chin lengmang khawh cang. Cucaah cun Putin hi a lungfim tuan in a rannak in an kir lo ahcun a caah mualphonak cu ai zia tuk rih, sungh zatlaknak faktuk tongh kho ding asi.

US nih a hriamnam lak a thabik hmanh a si rih lomi, Ukraine nih kan herh tuk kan bawm u, an ti zungzalmi, F-16s fighter, MIM-104 Patriot surface-to- air missile le General Atomics MQ-1C Gray Eagle (UAV) te hmanh khi kua sehlaw Russia caah cun i muaicawk ding asi ti hnga lo.Chelsea Bawi

Be the first to comment

Leave a Reply

Your email address will not be published.


*