Thawngpangtha: Palek Pakhat A Hriamnam He Mipi Sianah A Lu Than Ee

Pauk palek sakhaan in palek Asian Hein cu hramhram uktu kuttang ah rianṭuan a duh ti lo caah September 13 zinglei sml 7:30am ah Myaing PDF sin ah hriam tling he CDM a tuah tiah Myaing PDF battalion 1 commaner Let Ya nih DVB ah a chim.

“CDM a tuahmi palek pa nih G3 zuun 1, kuan bawm 2, kuan 132 le kutkhihnak pakhat aa rak put caah tangka sing 100 laksawng kan pek i himnak hmun ah kan kuat” tiah a chim.
Hramhram in uknak lak a si hnuah CDM a tuahmi ralkap le palek thawng tampi an um cang.

Relchap>>>>Ticket pakhat ah USD $ 50 a si i ticket 1,000 an zuar lai tiah theih a si.

Pakhatnak laksawng hi USD $ 5,000, pahnihnak laksawng hi $ 3,000 le pathumnak laksawng hi $ 1,000 a si lai i ticket pawl cu September 11 – October 11 tiang ni 30 chung zuar a si lai tiah a thanh.

Ticket pawl cu American le Myanmar ram telh in ram 10 in thil zuartu pawl sin in cawk khawh a si i CDF-Matupi Fundraising Committee Page zong ah pehtlaih khawh a si tiah an langhter.

Dothlennak a caan a rauh bantuk in hriamtlai minung an karh i hriam lei tamtlin a herh caah kan tawlrelnak a si tiah a thanh.
CDF-Matupi ah battalion 5 a um i ramchung ramleng dirkamhnak thawng in har ngai in ṭhutdir a si i atulio hi bawmhnak a tlawm ngai cang tiah theih a si.

Relchap>>>>>Shan ram thlanglei um SAC ralhrang camp 2 mizapi ralkap nih an lak

Shan ram thlanglei ah a um mi SAC ralhrang camp 2 cu United Southern Shan Federal Union – USSFU nih an va kah hna i an lak khawh tiah theih a si.

PNO hmunhma ah a um mi SAC ralhrang camp 2 cu nizaan tihni zing ah khan USSFU pasalttha hna nih an va kah hna caah SAC ralhrang minung 25 hrawng an thi tiah an langhter. Ralbawi pakhat telh minung 5 cu sniper kahnak in thah an si i mizapi ralkap NUG kuttang um PDF pasalttha pakhat hliamhma fak tuk lo a tuar tiah an langhter chap.

“Hi mission tuah kho ding in caan saupi kan hngak. Cun hi hnu mission dang zong tuah tthan kan i tim. Cucu hriamngan ngah khawhnak ding caah mission a si.

USSFU hi SSPDF battalion 1005, Battalion 1008 (SSRY), Inlay PDF, NUG PDF, PNDF tiin ralkap bu 5 fonh nih an ser mi ralkap bu a si.

Relchap>>>>>Russia nih Ukraine a tuk hnu in Russia ralkap hna cu sunghnak fak ngai an ton caah President Putin cu a rian chuah taak dingin Russia Parliament palai minung 18 nih min an thut tiah, theih a si.

Ukraine ralkap hna nih Suimilam 48 chung ah Russia ralkap nih rak lak cangmi Kharkiv hmunhma hna cu an van lak khawh caah Russia ralkap nih an Sakhaan tampi le Raltuknak mawtaw 100 renglo an zamtak tiah, theih a si.

Russia nih Ukraine a tukmi a duh lo tu Journalist, Sihni le duh lonak a langhter tu hna cu Putin nih a rak tlaihter hna, cucaah Russia President sinak in i dinh dingin kan nawl tiah, Parliament palai pakhat nih cun a chim.

Ukraine raltuknak ah Russia ralbawi hna cu thah a tongmi an tam ngai, thlaruk chung i tuknak ah Russia ralkap minung 48000 reng lo an thi cang i, 1980 lio Afghanistan raltuknak a thimi nak in 14400 in an tam deuh tiah, theih a si.

Be the first to comment

Leave a Reply

Your email address will not be published.


*