Thawngpang Vialte Lakah Thawngpang Tha Bik Si Lai Dah! A Mak Ko!

A tawinak in Kawlram ummi vialte: 1.) February 28, i US kir ding vanlawng American Embassy Yangon nih a khanpiakmi hna thawngpang he pehtlai in USA nih Kawlram a luhhnawh cang lai tiah thawngpang dik lo a chuak.

Mah hi US-Myanmar Embassy nih an postka ah #Teirialcatialtu nih a rak ṭial i ṭihphan ding phun in a ṭial lo. Zeica tiah USA nih Kawlram i American pawl kha nan dihlak in nan kir hau, nan kir hrim hau a ti lo caah le kir a duhmi cu, tiah vanlawng zong tonak an iting lo kho tiah thawng a thanh caah a si.

Cucaah US ralkap luh an duh cang caah ti phun le an lut cang lai timi thawngpang kha a dik lomi a si. International Mainstream Media le International politics experts zong nih an chim lo.

2.) #CDM kan tuah ahcun zeitindah kan paw kan icawm la, harlefe in rian kan sok, sianginn kan i kai rian phuah cu a si kho lo an timi hi an mawh bak lo. Mah hi 1988 Anaa Ting lio a lungfimmi Generation X pawl an tamdeuh, cun Generation Y zong ṭihphannak kan ngeihmi a dih rih lo caah a si.

Asinain, fiangte in chim ka duhmi cu CDM na tuah lo i zung na kai zong ah hlawh an in pe kho lai lo. Ralkap cozah nih rianṭuanmi hlawh pekding cu chim lo, amah vengtu Ralkap le Palik hmanh caan saudeuh hlawhpek ding a ngei ei ti lo. Tu hnu thla hnih-thum hlawh a pek khawh hna hmanh ah cucu rammi khonmi phaisa, Bank, biakinn tepawl le khuaram sernak ca i chiahmi phaisa hramhram in a lak/ firmi si.

Ramdang USA, EU, Japan le World Bank tepawl nih an bawmh ti lo caah khawika hmanh ah phaisa la kho lo. Phaisa sernak seh ai neih zong ah cu phaisa cu man a ngei lai lo. Ralkap nih a CDM mi cu Social Punishment phun a tuah ve bantuk hin CDM lomi cu ralkap uknak kan tei hnu ah mipi hmai nan khap lai lo. Kan tei hrimhrim lai, a rau lai lo.

CDM na tuah ruang ah na rian an in phuah men lai, hlawh an in pe men lai lo. Sihmanhsehlaw, UN hruainak in vawleicung ramkip nih CDM tuahmi hna caah bawmhnak a pek lai pinah rammi nih caan karlak ca cu an i zuam ve. Cu pinah ralkap uknak kan tei tikah cozah thar nih rianphuahmi vialte upatnak roca he rian an pek ṭhan dih te hna lai.

Rian phuah lai le hlawh hlam lo ding nakin ṭihnung deuhmi cu nunchung minchiat, mi hmaikhah lo a sideuh. Zei ca tiah atu Ralkap cozah hi sau a rau hrimhrim lai lo, CDM ve law lungrual tein kan tei hrimhrim lai. Zung kai lo lawng si lo, bank i na phaisa zong chuah hna, zung ah rianherh na neih zong ah kal hlah. Cozah he ai pehtlai mi zeihmanh tuah lo kha a si ko. Ka bia sau ṭhan. Live hau cang men lai tu hnu cu. Credit: Si Bawimang Lian