Thawngpang Tihnung Taktak! Kan Kah Cang Hna Lai Timi Hi An Theih Ko Cang Nain!

Na unaule hi hnu min. 5 ah kan kah cang hna lai timi theih ko na rawraw cun maw ka*n* um ko lai! [Hmeilei um] Naule, nihin nan hmai ka chim bang khan, an khammi hnulei ahkhin, “Federal Democracy le Tlukruannak” a um lo dahkaw!

[Palek/Ralkap] A khamtu nih an kham mi lila khi zeidah kan kham timi an i fiang lai lo dahkaw! Cucaah, ahodah, zei caan a hne kho, a hodah a tha sau timi dawh biakhiah te ding a si cu!

Thawngpang Dang: Ralkap hi NCA minthut ruang ah an ra lengmang ko nain a chung taktak an luut bal lo: Pu Htet Ni: Camp Victoria ah Kawl Ralkap an rak luh tawn mi hi Nationwide Ceasefire Agreement (NCA) minthutnak ruang ah a si i a chung taktak cu an luut bal lo, tiah CNF Chimphuannak Nawlngeitu Pu Htet Ni nih a chim.

“Kahdaihnak min kan thut hnu ah kan camp tiang hi an ra lengmang ko. Asinain a chung taktak cu an luut bal lo. Tutan an rat zong hi CDM in a zaam mi Camp ah nan chiah hna ti thawng kan theih i kan ra, an ti. Buainak a um lo. CDM in a rak zaam mi zong Mizoram ah an pet/kal dih ko,” tiah Pu Htet Ni nih The Hakha Times ah a chim.

Tutan an rat ah hin Palek a zaam mi kan pe than u an ti nain an um lo. Kanmah lei nih CDM luh le tuah ruang ah tlaihkhih mi vialte thlah ding in kan chimh hna. Zalong tein lam a zawh mi hnahnawh lo ding le hrem lo ding zong kan chimh hna, tiah Pu Htet Ni nih a chimchap. Credit: The Hakha Times