Thawngpang Theih Nuam Lo Taktak! Ramthlo Ah Ralhrang 100 Hrawng An Phan!

A poi ngaingai. Tutan Ramthlo ah ralhrang 100 hrawng hna cu mawtaw panga le an ke bak in an rak phan tiah an ti. Ralhrang an hongphak caan hi Suimilam 11:40 Am hrawng a si lai tiah an chim. Hi ralkap hi khaw zeileidah an panh lai ti theih a si lo. Chin ram cu ralkap thazaang an van chap thluahmah ko cang.

Ralkap pawl hi, an thiltuahmi le an sining zoh tikah an i ralring ngaingai tiah hmuh khawh an si. Zei ca tiah Mawtaw lawngin kal an duh ti lo. Mawtaw lawngin kan kal ahcun kan thi dih sual lai ti an phan caah ralring deuh tein um kal an i zuam ve cang. Ralhrang pawl hi, ke deuh in an kal cang i, an thilri le zenkuan a herhmi pawl hi Mawtaw deuh an phurh cang hna tiah mithmutu pakhat nih a chim. Ref: TCP

Chin National Organization (CNO)/CNDF Biatak Deuh In Rian Van Tuan U Hme:-

Hi ti ca kan tial tikah pumpak bu soisel a si hrimhrim lo ti hi, pakhatnak ah van kan theih piak u law ti kan duh. Tutan thil ahhin Chin National Defense Force/CNO hruaitu pawl biatak deuh tein rian van thawk kho u law a tha tuk cang hnga?

Tutan ah kan unau Tedim PDF nih harnak an tong. Hi harnak an tonmi hi a taktak ti lo ahcun Chinmi nih an dirpi cio hna ding a si. A bikin Tedim harnak a petu hna ZRA hi, nanmah CNO nih biatak tein an chimh hna dingmi a si. Zeicatiah ZRA cu CNO he kutsih in riantuan aa timmi nan si.

Hi tluk in kan kan Miphun cio nih kan ral teinak dingah a lam kip in kan cawlcang cio hna. Cu lio ah hi bantuk in ZRA nih Tedim harnak an pekmi hna cu an palh taktak. ZRA hi zoh sawhsawh ding an si ti lo. ZRA he pehtlaihnak felfai tein a ngeimi CNO zong nih hi thil a cangmi kong hi, Mipi sin ah fianternak nan tuah bak a herhmi si. Zei ca tiah hmun khat ah riantuanmi nan si.

Cun a bikin Falam lei Vaar Tiva lei in kan ram ah Ralhrang tamtuk an rak lut cang. Hihi zeitital in tuanvo nan lak khawhmi a um lo maw? CNDF cu Chin mipi vengtu bu pakhat nan si bantuk in hi hmunhma hrawng hi biatak deuh tein tuanvo van la kho u law, a tha tuk hnga ti hi mipi nih kan duh ciomi a si. Hi kong he pehtlai in Mipi nih kan theih herhmi tete zong ca rak kan chuah piak tawn u law, lawmh a um tuk hnga? Zeicatiah nan nih cu Mipi humhimtu bu nan si tikah theihternak hi van tuah lengmang uh tiah kan in nawl hna.

Be the first to comment

Leave a Reply

Your email address will not be published.


*