Thawngpang Thar Taktak, TNLA Ralkap Cu Mipi Runven Dingah Khuapi An Phah Cang!

Ta’ang (TNLA) ralkap cu mipi runven dingah khuapi lei an panh ve cang. TNLA hi kan theih bantuk in tlangcung hriamtlai phu lak ah thazaang thawngmi an si ve.

Nihin ah khan sandahpiah mi mipi le CDM a tuahmi pawl runven dingah Kutkhai khuapi an phan. A fiang mi cu R2P nak in tlancung hriamtlai pawl hi an khual a rang deuh.

KNU si hna kaw mipi an ven hna.Kachin ralkap KIA tuhi khuachung luh lo in heh tiah kawl ralkap an thiam thluahmah hna. Nihin zongah Kawl ralkap tam lak KIA nih an thah hna. Credit: TCT

Theih Tha Tukmi: Cozah rian tuan khawhnak ding ah hin tampi thap ta a hau – cacawnnak ah nu le pa retheih in a hau, phaisa le caan tampi thap a hau. Cozah rian ah an luh khawh nakhnga heh tiah i zuam a hau.

Cozah riantuan cu a nuam, tha a dam. Lahkhah lawng a si lo, a cheu cu umnak inn tiang an pek hna. Pensen an ei rih. Mi nih kan upat hna. An covo a tam tuk.

Ziah atu hi mi tampi nih an rian an chuah tak? An nunnak ah tih a nun hi an thei hnga lo maw? Umnak inn in an thol hna lai hi an hngal lo maw? Khuasaknak, nupi/va le an fale hna hmailei kong an ruat hnga lo maw?….. An pule pawl hi an tih hna hnga lo maw? Harnak maw ton an duh? An rak thapmi vialte hi a lak maw siter an duh?


An hrut maw? Hrut naisai hlah, mifim an si. Nunnak tih a nunnak a theimi an si. Hmailei khuasaknak, nupi/va le fale kong a tuakmi an si. Amah ca lawng lo, mipi le ram ca khuaruat an si.

An tuahmi hi an hngalh tuk, an i fiang tuk. Khuaruat bu tein an tuah. An kalnak ding lam an hngalh. Zeidah a cang lai ti an hngalh. Zeizong vialte hngal buin an tuah; zeicahtiah annih cu cathiam le mifim pei an si cu. Mipi ca riantuantu pei an si cu.

Cucaah, kei cu, ka upat hna, ka dirkamh hna, thla zong ka campiak hna. ‘Bawipa nih thluachuahnak in pe hna seh’ tiah ka ti hna. Credit: Za Mang