Thawngpang Thar Taktak! President Trump Nih Georgia Mipi Sinah Fianter Nak A Tuah!

Falam Ca in tialmi a si. Falam ca cu kan theih dih ko caah Hakah Ca in kan let ti lo: Careltu nih a ruahzia kan thiam hram uh! PRESIDENT TRUMP IN GEORGIA MIPI HNENAH SIMFIANGNAK NEI: 2020 America Presidential hrilawknak ah dotu lam Democratic Party ih thildiklo tuahnak ruangah pu Trump khal Oval office ( Whitehouse)ah to huahhi thei men loin Georgia state lamah campaign a tuah. A ra suaktu mipi pawl hnenah dotu lam Democratic Party pawlih vote diklo zetih an khumluh( record) dan pawl khal fiangten a sim.

Cuihlei ah media lamin fiang zetih an tarlangmi video clip khal mipi hnenah zohternak a nei fawn. Georgia state governor ( Brian Kemp) khal Republican Party sungtel asiko nan diklo vote um thuhla ah president dinpi ngam cuca lo ih a um thu khal mipi hmai ah a dep zet thu a tarlang.

Brad Raffensperger, Secretary of state( Georgia state) khalin vote diklo ih tuahmi thu ah pu Trump a dinpi ngam ve fawnlo ih ruangah Republican party lam hotu lu le ngaisanmi senator Lindsey Graham(SC) le mipi pawlih dem a hlawh ve zet.

Himi state ah senator 2 tling ih ruahmi cu lehlam te ( Dems) pawlih vote ruknak vek ruangah beisei vekin thil a feh theilo. Curuangah tu hi David Persue( Republican) le Jon Ossoff( Democratic) siseh, Kelly Loeffler (Republican) le Raphael Warnock cu senate seat cuhaw in mipi lamin zo deuh hriltlin an si pei ti hngah rero lai fang a si.

Trump in a reihlanah update nei thei a beisei thu le Supreme Court lamin ram mipi pawl zawnruatin dan vekih Ro an rel sak a beisei thu khal a sim. Hi rampi hrilawknak diklo hi lamzin pakhatkhat hawlin cinfel thei a duh thu khal a sim vivo.

Himi senate seat cuhawknak hi America rampi thleng danglam theinak thu asi tikah a pawimawh ngaingai ni a si. Ziangahtile rampi roreltu sang pawl( senators) pawlin thutawpnak an tuah thei ruangah a si.

America mipi a million tam tel pawlin tui áš­um presidential hrilawknak ah diklo zetih cangvaihnak cu Democratic party lamin an tuah asi timi cu za ah za( 100%) kan zummi a si. Catialtu: Joshua Hlawnmual