Thawngpang Thar Taktak! Mipi Nih Kan Ngamh Tuk, Kan Tei Hrimhrim Lai!

Tuchun ni nikhat te ah India le Australia Parliament ah Burma ram kong ah kan hawi ttha asi mi hna nih fakpi in bia an chim. Tutan Burma ram Democracy cawlcangh nak ah ram pali kan caah abiapi bik mi an um i cu hna cu an cawl tti cuahmah.

USA, Australia, India le Japan hna hi Quartet tiah an iti i hi ram li hna hi biatak in an cawl i thlennak tiang chuak lak in hma an lak a biapi. Aralai mi zarh ah US State department le White House ah biaruah nak kan nei hna lai. Cun, Australia ah Cozah lei lutlai he biaruah nak neih ding in kan itim cuahmah.

Ramchung ah mipi raltha te in le nunnak pek in nichiar an cawlcang. Vawlei pi nih an kan theih pi. An kan dirpi. Kan tei hrimhrim lai, zei ca tiah mipi nih kan ngamh tuk timi kha vawlei pi nih an kan hmuh an kan theih i dirpi ding ah an lung a tho.

Thlennak taktak cu ram chung mipi sin in ai atihna ai sem lai i a leng in bawmchan tu le dirpi tu hawikom tha Pahtian nih a kan pek lai. Kan tei hrimhrim lai. “fight to restore democracy in Myanmar will not be in vain.” Senator Dean Smith, Chief Government Whip in The Senate. Credit: Salai Bawi Lian Mang