Thawngpang Thar Deuhdeuh! Trump Caah Ruahnak A Tam Tuk Rih

# Trump in a neh tengteng ding kan ti dah lo. Asinan thu buai tampi le court sang sin pawl in election fraud case an cohlang rero fang a si ruangah Trump hrang beisei ding a um tuk lai. Court ih thu sah cat ngaicang hi thu hnget bik a si ko ding.

# Michigan le Pennsylvania state ih thu neitupawl in Biden a neh (certified) an ti nan himi hi mangbang ding a um lo. Ziangahtile Trump legal team in State dominion thuneitupawl bei an bansan ih court sang sin pawl ta rori ih thu thlen ding an tum ruangah a si. Himi an hmalak dan an thleng ruangah Trump ih ukil pakhat Sidney Powells tla cun a hran ten state dominion ta rori bei a duh lai ih an team a suah sannak a si. State le county thu neitupawl cun Biden an ṭan ruang ih um dah lo thu buai tampi a suak phah. Election tin ten thubuai ngah thei zet Florida riangri felfia ten an um thei.

# GSA ah transition an tuah ti men ruangah Trump a duai kan ti thei hrih cuang lo. Dan vekin le Biden support US mipi hrangah Trump in a tuah mi a si. Amah cu a sung a khan lo lawlaw thu a Twitter ah a tar leuh leuh. “We will win” a ti lai. Trump in “legal fighting” a ti ṭheu mi hi pacang hna tak a si in ka thei. Trump ih a hnaṭuan danpawl hi ruah ban lo pipi a si ṭheu ti khal hngilh a ṭha lo. (Eg: Iran, N Korea, China a kai dan a turu tuk.)

# Trump legal team ih ukil (attorney) Jenna Ellis tla cun transition GSA ih hmasawn an tum dan hi thulolak taktak (absolutely meaningless)a ti sak men! Diklonak tam tuk a um ih tatti khal tampi kan nei a ti ve.

# USA ih ukil (attorney) filawr Lin Wood tla cun vote dik taktak lawng siar sehla Trump in electoral 400 lenglo a ngah a ti.

# Trump legal team in “election fraud a tam tuk” an ti rualrual in Biden team pawl in “lack evidence” tatti piah thei nan nei mal tuk” an ti ve. Diklonak (fraud) a um lo ti cu Biden team in an ti ngam lo deuh a bang.

* Kan zoh hrih ding aw. Court in Biden nehnak an pe maw, Trump sawn saw nehnak an pe ding? Zumtu hrangah cun ziangkim hi “come on! I am ready” kan si ko.  (Thulaknak: Newsmax, Foxnews, OANN, Trump Twitter) Catialtu: Thian Awi Sang!!