Thawngpang Thar Bik Leh Tihnung Bik Pawl!

Vawleicung Thawngpang hna i a thar cemmi hna tawi fiang taktak i ttialmi!

– The Chin Voice

NEWS BRIEFING: Top Stories

1. Canadian Prime Minister Justin Trudeau nupi Sophia Gregoire Trudeau zong ka cumpi, ka taksa pah a ti i sibawi sin i a vai i zohter cu Coronavirus zawtnak na ngei an rak ti diam ko. Ref: #UStoday

2. Hong Kong ah coronavirus an ngei men lai tiah lunghrinhnak an ngeih i hrenkhumhnak hmun i an chiahmi uico cu an chek ṭhan hna i coronavirus an ngei taktak ko tiah Reuters nih an ṭial. Minung lawng si lo in saram zong chawnh khawh dawh a si hoi.

3. Chinese thawngthanhtu pa (spokesperson) nih Wuhan i Coronavirus zawtnak ai thawkmi hi US ralkap nih a chawnhmi hna a si deuh tiah US ram tu sual a puhnak hna a chim. US nih China ram i ai thawkmi si ko, i pheh len hlah uh tiah an puh chih ve hna. China maw zumh awk deuh si hnga US deuh dek.

4. Coronavirus nih awlok chong i kan tuah lio ah Iran nih Iraq ram i a ummi US ralkap camp drone in an kah hoi hna hi US ralkap 2 le British ralkap 1 an thi ti si. US nih Iran cu rianrang in a lehrul colh. An hriamnam chiahnak pawl phomhpiak dawh a si. Iran nih a leh ve sual ahcun ral zong tho thai te seh law theih lo a si. Vawleicung buainak hi cu a karh chin lengmang ko rua lai.

5. Coronavirus a karh chin lengnang sual lai ti an phan caah Marion County chung public sianginn vialte kharter dih an si. Chinmi 20,000 deng an umnak sang i Perry Township School vialte zong March 13 in April 5 tiang sianginn kharpiak dih an si.


Indiana Governor zong nih a herh tuk lomi (non-essential) pumh khawmhnak minung 250 naak tam tuah lo ding in thawngthanh nak a tuah fawn i biakinn vialte zong khar dih hauh dawh in a um i Zarhpi pumh zong let cio dih te hna dawh an si.

 284 total views,  1 views today

This function has been disabled for Chin 11 News.