Thawngpang Thar: A Tha Tuk E!

NCA ah min a thucia mi Tlangcung Hriamtlai Phu 10 hna cu Tonnak an ngei cang, Teinak kan hmuh lai nak anaih thluahmah cang, Mipi Dirkamh Tu Tlangcung Hriamtlai hna caah Thlacam Bawm cio ko hna usih!

NCA minthut tlangcung hriamtlai bu Meeting ngei mi hna cu (ABSDF, ALP, CNF, DKBA, KNU, KNU/KNLA-PC, LDU, NMSP, PNLO, RCSS) pawl hi an si!

Myanmar ram Uknak latu Ralkap cu Tlangcungmi Hriamtlai Phu 10 nih fakpi in sual an phawt cio i rammi lei ah taang in ralkap dokalhnak tuah ding cu April 4 ah online in ceihmainak an tuah.

Hi bantuk tonnak ngeih mi ruang ah kum tampi aa rak i kap cang mi ralkap le hriamtlai phu kar ah i kahnak a hlan nakin a faak kho, tiin rammi tampi nih an zumh.

Ralkap dokalh ruang ah rammi minung 550 leng nunnak a liam cang i a thong leng an i hliam cang. Tlaih mi le tazacuai mi zong a thong leng an si cang.

Online in tonnak a ngei mi hriamtlaiphu 10 hi NCA ah min a thucia mi an si. Hi tonnak ah NCA cahren zohfelnak zong biapi ngai in an tuah i ralkap an sungh nakding ah rammi he hmunkhat ah dirti ding in ceihmainak an tuah.

Source: Democratic Voice Of Chin-DVC(VOA)