Nihin July 28, 2021 zing ah Yaw People Defense Force (YDF) nih Uico ralhrang pawl Bomb in an doh hna i ceilak an thih pin ah motor zong an khangh piak hna ti a si.
“July 28, 2021 zing suimilam 7:00AM hrawng ah Gangaw le Htilin karlak Motor lam ah Ralhrang rual pawl Motor cu Yaw People Defense Force nih Bomb an puah hnawh hna hi asi.
Nihin zing motor Bomb in an puah hnu ah kaphnih karlak raldohnak zong caan tlawmpal a um. Ralkap pawl hi a thi mi (20) hrawng cu an si lai tiah Yaw People Defense Force (YDF) lei nih an chim. Kan mah YDF lei in hliamtuar le a thi mi pakhat hmanh kan um lo tiah an langhter chap.
Yaw People Defense Force zong biatak tein an cawlcang cuahmah cang. Cu lawng si loin CDF-Mindat le YDF cu Alliance kan si cang, kan ttangrual lai, hmunkhat ah ralkap kan doh lai tiah lungtlinnak zong an tuah ti asi fawn. Credit: Laikokek
Leave a Reply