Thawngpang Tha Taktak! NUG Cu Phungning Cozah Ah Theihpi Dingin Min An Thut!

France Senator 150 Leng nih NUG cu Myanmar Phungning Cozah ah Theihpi Ding in Min an Thut! France rampi runvennak ramleng lei pehtlaitu committee (Foreign Affairs Committee, Defense and Armed Forces) hruainak in June 30 ah Myanmar kong ceihmainak an ngei hna i,

French Senator 150 leng nih NUG cu Myanmar phungning cozah ah theihpi ding in minsen an thut, tiah Dr. Sasa hruaimi Ministry of International Cooperation Myanmar nih thawng a thanh. Nihin biachahnak an tuahmi kong he pehtlai in French Senate ah ceihmainak le vote peknak an tuah te tthan te lai. Credit: The Chin Journal

Tulio hrawng cu kawl ralhrang thihnak lawng te a si i, a nuam kho taktak. Bawipa nih teinak a kan pek hrimhrim lai. Zarh khat chung lawngah kawl ralhrang a thimi hi, zaa leng an si lai tiah theih a si. Nizan zong Lai pasaltha pawl, CDF-Halkha nih nizan zing ah Kawl Ralhrang Minung 20 hrawng Hell ram ah an kuat hoi hna. CDF-Halkha lei kap cu an him dih. Pakhat nih faak lemlo hliam a tuar. CDF a nung Pathian nih humzual chin ko seh.

Kawl Ralkap Cu Thihnak Nih A Zelh Ko Cang Hna Hih! Tutan Ah Tam Taktak An Thi Than :- June 24, ah Kata (ကသာ)peng, Muta(မိုးတားအုပ်စု),Swe Kyawng Kung khua pawng ah rallokap he kahdohnak ah ralhrang lei in minung 30 hrawng an thi tiah Kata(ကသာ) mipi vengtu phu (KPDF) nih cathanh an rak chuah. May 30 ah khan, rallokap lei in minung 8 an thi, minung 10 renglo nih hliam an tuar ,cu hnu ah rallokap lei in minung 3 an thi than. Cu kahdohnak ah KPDF in minung 5 an nunnak a liam.

Kata (ကသာ)peng ah June 28 tiang ralhrang nih phungning lo in tlaihmi minung 19 le nunnak a liam mi 5 an si tiah (KPDF) nih cathanh an chuah. Cu kahdohnak ah PDF phu sinah Kachin ralkap (KIA) an i tel tiah chim asi nain, KIA/KIO lei thawng chimnak nawlngeitu Tongmangham Naw Bu nih KIO lei in cu bantuk langhter nak cu a um lo.

Kachin khuami hna nih cun, cuka hmun kahdohnak cu KIA cawlcanghnak hmunhma a si caah KIA he fonhin kahdohnak ah an i tel tiah ruah asi. Ralhrang kuttang rallokap sakhan, palik sakhan cu KIA nih atu le tu kahdohnak a tuah, cu kahdohnak ahcun Sagaing ramthen cheukhat hna zong an i tel. #Myanmar Now/ The Chin Post