Thawngpang Tha Taktak! KIA Nih Min Aung Hlaing Uico 20 Leng An Thah Than Hna!

Nizan April 29 ah Momauk Township ah KIA le Kawl Ralhrang kah dohnak cu faktuk in a chuak than. Kawl ralhrang lei in Tatmah 77 nih Vanlong he KIA cu an kah hna, A sinain Kawl Ralhrang lei nih an i timhning bantuk a rak si lo, Tiah Myanmar now nih fiang tein a langhter.

Hi kah dohnak ahhin “Kawl ralhrang 20 leng an thi i, Meithal zun 18 leng an chuh rih hna” tiah KIA ralbawi pakhat nih Myanmar now ah a chim. Nizan raldohnak ahcun Kawl ralhrang an sung. Cu ruangah a tu hi Ralhrang lei nih Vanlong 9 bak an hman cang i, KIA hmun tampi ah Bomh an thlaknak hi a si.

Alaw Bum Sakhan, Kawl ralhrang nih KIA Kut in an raklak mi cu March thla ah khan KIA Nih an rak lak than cang. Cu hnu in nihin tiang Kawl ralhrang nih vanlong ralkap thazaang hman in an doh peng hna. A tu hi Alaw Bum sakhan cu kawl ralhrang nih lak than an i tim peng nain nihin tiang cu an la kho rih lo. Kachin ram kah dohnak poh ah nihin tiang Kawl ralhrang cu an sung peng rih ko hih.

Nizan kah dohnak ah Tatmah 77 nih kahnak hi fak ngai in an rak thok. Vanlong in bomb 6 leng an thlak hna. A sinain KIA ralkap hliamtuar an tum hraw lo i, a thimi zong an um lo. Kawl ralhrang lei in beltein minung 20 ruak kan rel khawh i, hi nak tam deuh zong an thi kho. tiah KIA ralbawi nih fiang ngai in Myanmar now sinah a chim. Credit: VOM