Thawngpang Tha Taktak! Kan i Lawm Tuk E!

Nagaland ramkulh nih Kawlram ralzam lunglawm tein kan in cohlan hna tiah an thanh.

Nagaland vuanci choh

Tulio Kawlram buainak kong ah nitlak lei ah a ummi Kawlram mi hna cu India ram ah zam cio an si hna.

Hi lio ah Nagaland ramkulh nih Myanmar ralzam kan ram ah nan rak zam ahcun lunglawm tein kan in cohlan hna. Nan herh mi herhhai zong bawmh nan si lai tiah Nagaland vuanvi Neiphui Rio nih a chim.

Nagaland vuanci Neiphui Rio nih vuanci dang pawl meeting a tuah hna i cu hnu tu bantuk in lungtlinnak an tuah hi a si.

India cozah pi nih Kawlram ralzam cu India ramchung ah cohlang lo ding in nawl a chuah. Sinain Mizoram cozah, Manipur cozah le Nagaland cozah hna nihcun India cozah pi nawlchuah mi cu an duh lo. Kan ramkulh ah kan unau Myanmar ralzam cu kan um ter ko hna lai, kan cohlan ko hna lai tiah an chim.

Nagaland vuanci choh

Nagaland ramkulh cu an mah tein ai uk mi an si ve. Nagaland ramkulh chung ah India cozah nih nawl a ngei tuk lo. Sinain India le Mynamar ramri kong ahcun India cozah nawl a ngeimi a si.

Nagaland cu kan hnu ah Laipaih thawng Run Lian Ceu le Hakha paih thiam pawl an rak kalnak kha a si. Nagaland miphun cu Chin kan unau hna an si. Kan thisen khat an si. Kan nunphung zong ai khatmi tampi a um.