Thawngpang Tha: India Ram Ah Bible Sianginn Kai Mi Minung 15 Chin Ram Ah An Lut Cang Lai

Kawlram miphun a si mi India ram ah Bibel sianginn a rak kai mi hna cu Covid-19 ruang ah Kawlram lei kir kho ti loin lam laklawh caan sau ngai hren an rak si. Hi India ram ah Bible siangin a kai mi hna pawl hi Kachin, Chin, Shan, Kawl Naga tiin an si cio hna.

Tuchun May 21 ah Myanmar ramchung ah lut kho ding in a tawlrel piak tu hna hi Mizoram VNC President Vante a si I Mizoram ah hren khumh a si mi hna Myanmar mi India ah Bible siangin a kai mi minung 32 chung in minung 15 cu Chin ramkulh Rihkhawdar ah an phan lai tiah Chinram luhmuh vuanzi U Pau Lun Min Thang sin in thawngtheih a si.

Chinram luhmuh vuanzi U Pau Lun Min Thang nih a chim mi cu “Chin ram cozah nih lunglawm tein kan rak don hna, Rihkhawdar ah phungning bantuk tein Quarantine chiah rih cu an si ko lai” tiah zong a chim.

Cu lawng hmanh si loin India ramchung Kohati ah a tang rih mi hna Myanmar mi Bible sianginn kai pawl hi minung 100 hrawng an um rih caah anmah pawl zong hi Myanmar ram ah an phak khawh nak hnga ding ah tawlrel cuahmah lio zong a si ko tiah Mizoram cozah lei nih an chim ve.

Ref. The Irrawaddy

 133 total views,  1 views today

This function has been disabled for Chin 11 News.