Thawngpang Tha: Dr. Sasa Sinak Taktak A Fiang Bak Ko!

Dr.Sasa nih mipi thazaang a pekmi hna aw aan theih cu lung a hmui kho tuk. Nihin ah Kawlram chung hmun tampi ah meithal kahnak ralkap nih an tuah than. A thimi minung an tam ngai ngai. Yangon khualipi chung ah cun meithal kahnak lawng hmanh si loin, ralkap nih inn khangh piak bakin caan an hmang hna.

Private company zong an khangh, minung umnak inn zong an khangh. Hmun ka kip le khua ka kip ah mei khangh piak bak in an ttang cang. Minung temtuarnak vialte cu Dr.Sasa nih a hmuh tikah a celh hrim lo. Nihin ah Hlaing Thar Yar cu mei bakin an khangh.

Dr.Sasa nih a timi cu, Hlaing Thar Yar, na thawngpang ka theih, nangmah sinah ka um ve. Na caah ka thih hlanlo, ka thaw a um chung vialte na caah ralkap uknak hi ka doh lai. Nihin CDM ruangah ralkap le palek lut in a thimi, le hliamhma a tuarmi hna thisen dorkhatte hmanh hi a lakka a si lai lo. Kan nih cu mi raltha, sualnak a tih lomi Myanmar ram mipi kan si tiah a ti. Credit: Daily Chin Star

Relchih dingmi: Naihrawng cu FB ah CNF/A mawhchiatnak le soiselnak catial tete a tam ngai! Hi bantuk kongah hin a tha lei in siseh a chia lei in siseh kaa thlak bal lo! Tutan cu ka vun i thlak ve…! CNF hi tangka a kawlmi (business a tuahmi an si lo. Riantuantu kan pale in an naule dihlak khi lahkhah a eimi, CNF tuan nakin a paw aa cawmmi an si lo! Pumpek in a tuanmi lawngte an si!

Dr. Lianhmung Sakhong nih a chim bal. khual kan tlawnnak hi kanmah tein kan i liam a ti! Zeitlukin dah an i pek ti a lang! Chim ding a tampi, nan theih cio ko caah kan chim lem ti lo! Cucaah KIA le KNU bantukin an i hrocer lo, hriamnam he mipi hmaiah an chuak lo, an camp ah ralkap an lutter hna ti men ruangah biafak le bia thurhnawm in kan sawhchihmi hna cu a tha lo tiah ka ruah!

88 in nihin tiang kan miphun le ram caah an tlinh tawk tein rian an tuan! An fimnak, an thazaang, an chawva le nunnak tiangin an pek! Tutan buainak zongah mipi lei ah dirin bia an chim, tha an kan pek, a herhning in kan in dirpi peng hna tiah an kan chimh!

Cucaah kei cu CNF cungah ka vuivai ngam lo! Ka upat tuk hna, ka bochan tuk hna! Pathian nih atu nakin tha le tling deuh in Chin ram le Chin miphun dirkamhtu ah CNF/A hi thluachuah pe chin ko seh! Certual tlang in na aukhuan sawhsawhnak khan a chungah lut in chuih ve law teinak kan hmuh tuan deuh lai.. Credit; Salai Van Bawi Lian