Thawngpang Mak Taktak! Min Aung Hlaing Le Tuluk Nih Zeithil Dek An Tuah Hi!

Ruah Phu: Tuluk Le Min Aung Hlaing Zeidah An Tuah? Nizaan nai hrawng khan Tuluk ram Yunan ramkulh Kuming khua in in Kawlram Yangon International Airport ah Tuluk vanlawng Kuming Air cu voitamlak te an ṭum. February 9 ahkhan vanlawng panga bak an ṭum. Nihin ah pakhat a ṭum nolh.

Chanthar mino hna cu an mit a fim. Zeidah a si tiah an hlat colh. Tuluk a dik lo ning kha an hngalh tuk cang. Kawlca in ṭial mi Tuluk thawngzamh Xinhua nih cun tunai te ahkhan nizaan nai vanlawng a ṭum mi kha seafood a rak phur mi a si tiah a ṭawn.

Kehlei hmanthlak ka langhter mi khi a dik tak le tak lo cu 100% ka chim ngam lo nain thilṭhum tu hna nih a thli in an thlak mi si dawh a si. Seafood cu a lo lo lawlaw. Cu pin ah vanlawng ah ai tel mi minung hna hi IT Engineer lawngte an si tiah thawngpang kan theih fawn.

Lung a hring colh mi cu, kan ram ah IT fimthiamnak a dorzaw. Ralkap nih Facebook an phih le VPN kan hman ca ah zei hlei lo. A lamkip in khua kan khang kho. Vawleicung ah Internet kong ah phihkhar bik mi ram ngan pakhat Tuluk bang Min Aung Hlaing a um thiam tilo i ram mipi kan ka phih ai timh ca ah Tuluk thiamsang ai ruaih ko hna rua.

FB, Twitter, Google, VPN pawl hman khawh lo ding in internet vampang chon Cyber Firewall ai tim ko rua. Cu ca ah kan rampi kan ral pakhat cu Tuluk a si ve cang. Hi caan lio ah seafood phurh cu nihchuak a si ai. Vawleicung media a phan chom lai. Cu lo le, ram mipi nih facebook kan ban kho ti lailo.

Ram mipi nih kan au mi le facebook ah international trending kan ser khawh mi hi MAH lubik lungcheh he ai khat. Tuthla TIME Mekazin ah kan ram buainak a cuang lai. Vawleicung pi nih an zoh. An kan ngiat. Hi vialte hi Internet ruangah a si. Cu ca ah MAH nih internet thah a duh hrimhrim ko ti a lang.

Internet an thah ahcun mipi kan aw a pit lai. Cu hnu cun ramchung tham cu an duhduh in an kan chaih khawh cang. CDM zong den len dawh. Mipi zong huai len dawh in kan um. Biasiphai cu a si lo. Tuluk hi mi ningcang lo a si ca ah a si. Cu ca ah thaizing cu Tuluk Embassy zung hmai ah cei nawn tein Yangon mipi an au lai ti a lang.

#Kei ka thin kai domh ṭhan; Tuluk nih Min Aung Hlaing he zeidah an tuah? #Midang nih rel ve hna seh ti na duh ahcun SHARE ka bawm ve. (Kailawm)

Salai Ṭial Hram Ling
Yangon