Thawngpang Chia Taktak! Vanzang Tlang Khua 6 Cu Ralhrang Nih Ni 5 Chung Curfew!

Vanzang Tlang khua 6 Ralkap nih ni 5 chung curfew! Thantlang Peng Vanzang Tlang khua 6 cu April 21 in April 25 tiang (ni 5 chung) Kawl Ralkap nih khualeng chuah an phih (curfew) tiah kan theih. Hi kong ah khua pakhat in khuami pakhat nih, “Ni 5 chung leng chuak hlah u, ti a si i a nicaan an chap te hnga dek maw.

Thantlang lei kal aa thawh mi zong Sopum khua in an kirter hna. Thantlang lei zong in rak luh khawh a si rua lo. Zeiruang bik ah dah curfew a si tu cu kan hngal kho ve lo. Zahnak Tlang le Khualhring Tlang lei tu cu an kham rua lo,” tiah The Hakha Times ah a chim. Atu hi Vanzang Tlang Sopum khua, Zahnak Tlang le Vanzang lei lampial ah Ralkap nih hmunhma an khuar i an um. Credit: THT

Relchih Ding: Kawl Ralkap Lubo Kong Hi Bible Ah TlingKhit khat Te In Hme A Rak I Tial Diam Cang Hi?. Minung hi Pathian nih pakhat le pakhat i pehthlai ding le i hawikom dingin ser kan si. Asi nain culakah komh lo dingle hrial dingmi pawl an um hi ta. PHUNGTHLUKBIA 22:5 Miṭhalo mi hna lam ahcun hling le rap a um. (Ei an lam zulhmi ṭih a nunning cucaah pei ) Aa ralring mi nihcun a hrial in an hrial hna a ti cu.

JOB 24:2 Miṭhalo nih ramri Lung kha an thawn. Turun le a congtu hna kha an tlaih hna. 3 Anmah ta a si lomi kha an laak i Mirumpa dum chung i Mitsur thei kha an fir. Ngakṭah mi Laa kha an dawi piak hna i, Nuhmei Cawtum kha hri in an hruai. 4 Sifak mi kha Lam thlangah an en hna. Rethei mi cu an i pum i an i thup.

(Ralzam in an tuah hna) JOB 34:8 Hawikom ṭhalo he khualtlawn a duh i miṭhalo hna he a kal ṭi tawnmi kha? 9 Zeicatiah amah nihcun aa thawh i, “Pathian cung i, i lawmh nih hin, minung caah zeihmanh ṭhathnemnak a tuah lo a ti. ( Hihi Pathian a hlawmi nun a si)

PHUNGTHLUKBIA 1:10 Ka fapa Misual mi nih an in lem ahcun na hna tlakpi hna hlah. 11 Anih nih an i thawh i kan sinah ra ve, thisen chuak awkah bawh hna u sih. Asual lo mi cu thlachiat ruat loin ralhruang Ah hna u sih.. 12 Sheol bantukin an nung buin dolh hna u si.

Sualnak an ngei lo nain khor chung i a vung kal mi hna bantuk khi si hna seh. 13 Thilman sung vialte cu kan lak dih hna lai i, kan inn cu hranchaw in kan khah ter hna lai. 14 Kan sin ah i tel ve ko, Tangka bawm kan i hrawm lai an ti tikah, 15 Ka fapa an sinah kal ve hlah, An lam kha zul hlah.

(Ti-in Biacah) Cucaah, SALM 1:1 ah Miṭhalo mi hna khuakhannak ah aa tel lo i misual mi hna lam zong a zul lo i, “Pathian a nihsawh mi hna sin in a ṭhulo micu thluachuak mi an si ti a si. (Pathian he aa pehtlaimi nun) Hi ralkap miṭhalo hna he rianṭuan ṭi lo ding le Cabuai pakhat kulh in ṭhut ṭi lo ding, zeicatiah annih cu miṭhalo an si caah- An dihlak in ningzahnak le hmai-chiatnak an phan lai. BAWIPA, annih cu ngaihthiam hna hlah. ISAIAH 2:9. Credit: F Bawi Khamh